LXIX.

Hennef e Slútíow oetfouft feine ©üter in ©фопeпгмпр, Жutащ £>ofenborf unb Äerftenbagen bent Äiofrer %№bbbl fur 1700 Matt, пaфbeт Sodann ©ruter fie früher bemfelben für 1400 Wlatî ermorben botte, tfrenëbôf 1437, Member IL

CF. 125, No. 20.~)

Ick Henneke Ratlowe Knape bekenne unde betuge apenbare in dessem breve vor alle den jennen, die ene seen edder horen lesen, wo ick umme sunderger frunt- schop unde gunst willen, mit gudem vryen unde wolberadenem mode unde ock mit vulborde miner Erven, den geistliken Vedern, deme Prior unde convente des Closters tho der Arnsboken der Carthuser orden, redeliken unde rechtlikenn vor dreehundert mark lubesscher penninghe durer vorkoft hebbe unde vorkope mit kraft desses breves den hoff tho dem Schonenkampe unde wes dar belegen iss in den Dorperen tho Curow^ Dokendorpe unnde Kerstenshagen van gudern, baven die veertheinhundert mark, dar se broder Johan Gruter erst vor van my Henneke vorschreven gekofft hefft, alse de breve, de darup gegeven unde besegelt sin, klarliken inneholden: wilke dreehundert mark my de Prior unde Convent wol tho dancke mit guden lubesschenn penningen bethalet heb ben, de ick van ene tho myner noghe entfangen unde vort an myne unde myner Erven

12

90

t ,—

nutth gekeret unde uthgeven hebbe. Unnde de Prior unde Convent schollen unde mögen desser vorschreven guder fry unde unbeworen bruken na uthwisinge der ersten breve, alse dat Closter baven achtein jare bette her tho gedan hefft. Ock so hebbe ick Henneke vorbenomet vor my unde myne Erven tholatenn unde overgeven, dat desse nye breff schal deme ersten koepbreve nicht tho vorvange noch nergen ane tho hindere wesen, sunder erer jewelk schal in vuller macht bliven unvorbraken. Alle desse vor schreven stucke love ick Henneke vor my unde mine Erven dem vorschreven Priori unde Convente stede unde vast tho holdende, mit minen naschreven medeloveren, in guden truwen, sunder argelist unde hulprede jenniges rechtes. Unde wy Detleff Wal storp, heren Detleves sone, Hinrick van Boekwolde, heren Clawessoene, Hartigh unde Wolmar Rantzowe brodere, heren Hartiges sone, hebben loved unde loven in dessem breve mit Henneken deme Priori unde Convent mit ener samenden handt ungescheden vor uns unde unsen Erven, alle desse vorschreven stucke stede unde vast tho holdende, also dat wanner de vorbenomede Henneke effte sine Erven van gnaden na soes jaren desses nakoepes desse vorschreven gudere wolden wedderkopen: so schal Henneke effte sine Erven deme Priori unde Convente Soventheinhundert mark lubesscher penninge tho hope in eyner Summen bynnen der Stadt tho Lubeke unbeworen unde tho dancke, an hoelgelde, up Sancti Martens dage weddergevenn. Unnde desses tho grotherer tuchenisse unde vorwaringe so hebbe wy Henneke, Detleff, Hinrick, Hartich unde Wolmar, kna- pen, vor uns unde unse Erven unse Ingesegele mit gudem willen unde wittschopp an dessen breff gehengetth, de geven unde schreven ist tho der Arnsboken na gades bord Dusent veerhundert unde soven unde druttigsten jare, uppe Sancti Martens dagb des hilligen Bisschoppes.