XXVI.

Шпф SBunner »etbttrgt ben £anbei, »оЬиrф SSoiqum ^arjoro bem SStcût in îirenêbôf ©ûter in ©teinrabe »etfaufte, unb »erfauft fein 8el)n ebenbafelbjr an ben fßkat $Шф SSJtaffebef fúr 30 matt 1390, December 20»

(f. 179, No. SS.)

Ick Ulrick Wunner bekenne apenbare vor alle den jennen, de dessen breff seen edder horen lesen, dat ick mit anderen guden luden hebbe lovet vor Volqwin Parsowen, deme Godt gnedich sy, unde sine erffnamen deme bedderven prestere, her Hinrick Massebeken unde den provesten, wert dar en kloster, edder den kerkheren tho der Arnsboken, de dar tho ewygen tyden na thokamende sint, vor den koop, den Parsowe her Hinrike vorkofte an deme dorpe tho deme Steenrode an deme Karspele tho Gles- kendorpe, als twe hoven. de Make Kale nu buwet, unde ene de Tymme Slore nu buwet, unde ene halve, de Loze unde Henneke Rode nu buwet, mit wisschen. mit holten, hegeholt unde andere holt, mit wurden unde mit aller vrigheit unde mit allem rechte, hant unde hals, also dat mine frunde, de Wunnere vore unde Parsowe na dat aller vrigest beseten hebben. Unde alle dat de breve spreken, de dar up geven sint, de hebbe ick mede besegelt mit mineme Ingesegele. Undc ick unde mine erffnamen schollen unde willen holden al dat de breve spreken. An desseme guede hebbe ick dat leen van mineme heren Greven Alve, deme Godt gnedich si, entfangen. Dat hebbe ick' vorkoft deme vorbenomeden her Hinrick Massenbeken vor Druttich marck lubes- scher penninge, de he my tho Dancke wol betalet heft. Dit leen schal ick unde wil uplaten eneme guden manne, deme her Hinrick vorbenomet des loven will, de schal dat entfaen unde holden dat tho trawer handt her Hinrick vorbenomet, unde den pro vesten edder den kerckheren, alsse hir vorschreven steit, also lange beth min Herre van Holsten sine gnade dar tho keert unde gifft den Egendoem dar tho, dat dar moge

35

van werden eine ewige stedige Vicaria. Weret ock, dat dessen vorbenomeden her Hinrike provesten edder kerckheren vorbenomet jemant hinderen wolde an desseme guede edder lene, so schal ick unde will edder mine erfthamen en dat vrygen van aller ansprake edder hindernisse. Dit love ick Ulrick Wunner vorbenomet vor my unde myne erffhamen her Hinrike, provesten edder kerckheren, alse hir steit vorschreven, unde tho erer truwen hant Snoten, Hinrike. Ludeken, Henneken, de alle gebeten sin van Boekwolde, alle desse Dinge stede unde vast tho holdende sunder jennigerleie argelist edder hulperede an dessem jegenwardigen breve, de geven unde schreven is na Gades bort Drutteinhundert Jar, in deme negentigesten Jare, in Sancti Thomae avende dc's hilligen Apostels.