XXXVIII.

ßubefe »on SSofrooíb befennt, Ъа$ Л>к 14 Wtatt in ©ctyurfrorf unb bte 14 2ftarí in ©tenrabe ewig beim «ftiofter 2irenêbôf тЪШЪт folien. 2Îrenêbôf 1400, -October 21.

(F. 100, No. Л)

Witlick sy alle den jennen, de dessen breff seen edder horen lesen, dat ick Ludeke van Boekwolde, heren Hinrikes van Boekwoldes soene, bekenne unde betuge apenbare in desser scbrifft, Dat ick unde mine brodere unde erven in den verthein marck geldes tho Schurstorpe in deme karspel tho Gleskendorpe, unde in den veerthein marck geldes tho Steenrode in deme sulven kerspel tho Gleskendorpe, alse de belegen sint na uth- wisinge der breve, de darup schreven unde besegelt sint, nenerleye recht offte thobe- horinge, luttick efte groeth, hoech efte syd dar ane heben, men alleine up loven unde gude truwe, dat werlyke leen van den Heren van dem lande, mynen Heren van Holsten; Unnde dat ick unde myne Erven dat sulve Leen willen unde schollen sunder alle arge-, liste unde an gudem truwen deme Kloster tho der Arnesboken tho gude holden unde keren, alle dewile dat de Prior unde Convent dessulven Closters van uns hebben willen. Unde wan se willen, so schal ick unde mine Erven, unde willenn dat Leen wedder vorlaten vor minen Heren van Holsten, weme dat se willen deme Clostere tho gude, also dat de vorschreven Achteundetwintich marck geldes mit alle erer thobehoringe demesùlven Klostere thobehoren, dar me tho Ewigen tiden ene Ewige Mysse in der kercken tho der Arnesboken affholden schal tho Salycheit mynes Vaders vorschreven, myner unde myner brodere unde unser Erven unde her Hinrikes Massebeken unde der anderer guden lude, de ere almesse dar tho geven hebben, alse die olden breve uthwisen, de up desse vorschrevenen renthe schreven unde besegelt synt. Unde weret, dat jemant dit vor schreven Clostere tho der Arnesboken in desseme vorschreven gude effte Leene hynderde efte anspreken wolde, so schal unde wil ick unde myne Erven mede vorkamen vor myne Heren van deme lande, unde wor des behoeff ist, die warheit bekennen unde

49

thostaen na lude der ersten breve unde desses, de myn vader, myne brodere unde andere gude lude unde ick darup besegelt hebben, nenerleye hulperede dar tbo tho- nemende. Alle desse vorschreven stucke love ick Ludeke vorbenomet deme Priori unde Convente des Klosters tho der Arnesboken vor my unde mine Erven an guden thruwen stede unde vast tho holdende sunder alle argeliste jeniges rechtes, geistlikes ofte wer- likes. Unde des tho tuchenisse so hebbe ick min ingesegel mit der jener, de hir na schreven staen, vor dessen breff gehenget. Unde wy Hinrick, Henneke, Reymar unde Tymme, dessulven Ludeke brodere, wente alle desse vorschreven stucke mit unseme wyllen unde wittschop aldus gehandelt unde endent sint, so hebben wy unse ingesegele tho thuchenisse vor uns unde unsen Erven vor dessen breff mit willen gehenget. Unde wy Emeke Hake unde Detleff Boekwolde tho der Swynekule dorch bede willen Ludeken unde syner brodere vorschreven, so hebbe wy ock thor tuchenisse desser vorschreven stucke unse Ingesegele vor dessen breff gehengett. Datum Arnesboken Anno domini Ein Dusent unde veerhundert, in deme dage der Elven Dusent Junckfrouwen.