LV.

Söartolb SRennow unb -£>ennefe ^repge SRennom uerfaufen ibre £>ôrfer ßubba|e unb ЗЗогпe im Äird)fbiele spronftorf an ben sprtefter speter »on ber ßinben für 500 malt 1414, gebruar 2.

(F. 143, 2, No. 35.)

Witlick sy alle den jennen, de dessen jegenwardigen breff seen edder horen lesen, dat wi Bertelt Rennow, Graden soene, unde Henneke Kreyge Rennow, knapen, beseten in deme stichte tho Lubeke, bekennen unde betugen apenbare in desser schrillt, dat wy mit wyllen, vulborde unde wolberadenem mude unser gnedigen heren Hinrikes, hertogen tho Sleswyck, unde Hinrikes, beyde Greven tho Holsten, Stormeren unde tho

72

Schouwenborch, unde ere truwen Raethgeven, unde unses unde unser Erven unde alle der jenner, der ere vulbordt dar tho tho esschende was, redelken unde rechtliken hebben vorkofft unde uppelaten, unde vorkopen unde uplaten mit vryem willen in desser schrifft deme Erbaren vorsichtigen manne her Peter van der Lynden, prester tho Lubeke, unde deme gennen, de dessen breff mit sinem willen hefft, geistlick ofte werlick, vor viff- hundert mark lubesscher penninghe, de uns desulve her Peter van der Lynden tho . unser noghe wol bethalet hefft mit reden telleden lubeschen penningen, unde de wy vort uthegeven unde kered hebben in unse unde unser erven nutt unde behoeff, alse hir na schreven steit, unse beyden dorppe tho Lubbatze unde tho deme Borne, belegen in deme kerspele tho Pronstorpe in dem vorschreven stichte tho Lubeke, mit ackere buwed unde ungebuwet, hoven, wisschen, weyden, dyken, wateren, waterloep, stouwinghe, visscherye, holte, kolynge, iüweg« unde uthwege, mit alleme egendome, richte unde rechte, overst, myddelst unde sydest edder mynst, alse de belegen sint in eren enden unde landtscheden, unde gantzliken mit alle erer thobehoringe, nicht uthenomen unde uns effte unsen Erven nicht dar ane thobeholdende: also dat de sulve her Peter unde sine nakomelinge mogen desse sulven dorpe mit- alle eren thobehoringen gantz offte en deel edder rente dar ane vorkopen, vorgeven, vorsetten, vorpanden unde ummebringen na eren willen an geistlvke offte an werlyke personen, sunder unse offte unser Erven edder anders jemandes nye vulbord dar tho thoesschende. Dèsser sulven dorpe tho Lubbatze unde Borne schal unde mach de vorschreven her Peter unde syne nakome- lynge mit alle eren thobehoringen vry bruken, hebben unde besitten tho ewigen tiden, alse unsere olderen der vore unde wy na, ye vryest bruket unde beseten hebben, unde wysen unde setten en unde syne nakomelinge in de were unde besittinge desser dorpe vorschreven unde alle erer thobehoringe in desser schriffl. Ock schole wy unde willen unde unse erven her Peter van Lynden vorschreven unde sinen nakomelingen desser dorpe vorbenomet mit alle eren thobehoringen waren, vryen unde entweren van aller ansprake enes jewelken, de vor recht kamen wil, up unse unde unser Erven egene koste, schaden unde eventure, alse ock ynneholden unde uthwysen unser vorbenomeden heren . van Holsten breve, de ock uppe dessen sulven koepp geschreven unde besegelt synt. Vortmer up dat me wete tho thokomen tiden, wor de viff hundert marck an gekeret synt, also bekenne wy unde doen witlick, dat wy darvan hebben bethalet unde geven den Proveste, Priori unde Convente des Cloesters tho Segebergen drehundert marck lubesch vor veer unde twintich mark geldes, de se lange tyd unde mennych Jare hebben had in densulven twen dorpen, de wy vryen musten in desme koepe; unde twe hundert mark sint gekomen in die medegyfft unde brutschat Margareten, de mynes Bertoldes suster iss, de nu hefft junge Detleff Wensyn. Jodoch dor sunderliker gunst unde vruntschop willen hefft desse vorschreven her Peter vor sick unde sine nakomelinge

73

ghunt unde overgheven, dat wy unde unse Erven mogen desse sulven dorpe tho Lubbatze unde Borne mit alle eren thobehoringen wedderkopen, wan wy willen, tho ewygen tiden tho Lychtmissen, vor viffhundert mark lubesscher penninge bynnen Lubeke tho betha- lende den holder desser breve, in einer summen umbeworen mit penningen, de denne tho Lubeke genge unde geve synt, den wedderkoepp en yar thovoren tho thoseggende. Alle desse vorschreven stucke love wy Bertolt unde Henneke Ronnowen, knapen vor- benomed, vor uns unde unse Erven mit unsen Medelovern urfde eren Erven, de hir na schreven staen, hern Peter van der Lynden ergenomet unde sinen nakomelingen an guden truwen unde loven stede unde vast tho holdende sunder alle argelist unde jenige hulpe- rede. » Unnde wy Timme Rennow, Eler Rennow, riddere, Henneke Ratlowe, Hinrick Wunner unde Detleff Wensyne, knapen, wente alle desse vorschreven stucke unde koep mit unser witlichkeit handelt unde scheen ist, so love wy vor uns unde unse Erven mit Bertolde unde Henneken Rennowen vorbenomet unde eren Erven her Peter van der Lynden, prestere vorbenomet unde synen nakomelingen, geistlick ofte werlick, de dessen breff mit synem willen hefft, mit ener samenden hand, unde en jewelk besundern, alle vorschreven stucke stede unde vast tho holdende an guden truwen unde loven, sunder alle argelist unde hulperede jeniges rechtes, geistlikes offte werlikes. Unde desses tho tuchenisse unde merer bewaringe hebbe wy Bertoldt unde Henneke, Timme, Eler, Henneke, Hinrick unde Detleff vorbenomet unse ingesegele mit gudem willen unde witschupp vor dessen breff gehenget, de gheven unde schreven iss na Gades bord Du- sendt yar veerhundert, dar na in deme veertheynden yare, uppe unser leven Vruwen Dach tho Lychtmissen. *