LXXX.

$�?лШф SSofrooïb auf Senfmt »erfauft fein SDorf ßoffenborf mit bem falben ©ee an baё Âlofter tfrenêbôf fur 1800 Wtatt 1457, £>e= cember 11.

(F. 13T, 2, No. 32.)

Ick Hartwigh van Boekwolde, wanhafftich uppe deme hove tho Lenzaen, knape, Detleves van Bokwolde zeliger dechtenisse, wannere wanhafftich tho der Reethwisch, sone bekenne unde betuge apenbare in desseme breve vor alle den jennen, de ene seen edder horen lesen, dat ick mit willen unde wolberadenem moede, mit willenn unde vul- borde miner erven unde negestenn, unde besundern mines gnedigen heren, hern Alves, hertogen tho Sleswick, Greven tho Holsten, Stormaren unde tho Schouwenborg, unde ock der jennen, der my erer vulbord dar tho noed unde behuff was, hebbe redeliken unde rechtliken vorkoefft unde uppegelaten, unde jegenwardigen vorkope unde upplate mit macht desses breves, tho enem ewigen unde unbrekelyken erffkope, deme erwerdi- gen in gade vadere, hern Gregorio Priori des klosters tho der Arnsboken in deme lubesschen stichte Carthuser orden, unde deme gantzen Convente darsulves, nu jegen- wardich unde thokomende tho ewygenn tiden unde erem gantzen orden, vor achteyn- hundert marck lubesscher penninge, de my desse vorschreven her Gregorius Prior iu gudem golde unde graveme szulvergelde, tho Lubeke genge unde geve, tho gantzer noege wol betaled hefft, de ick Hartwigh vorbenomed in mine unde miner erven merck- like nutticheyde witliken gekered hebbe, min gantze dorpp Lossendorpp, in deme ker- spel tbo Raetkow lubessches slichtes belegen, mit allen thobehoringen, alse mit deme halven zee, de sjck strecked uppe dat Lossendorper veld, unde de ander helffte uppe dat Schorboyzer veld, unde mit ackeren buwed unde ungebuwed. mit wisschen, weyden, holten, broeken, moeren, heyden, masten, stouwingen, pachten, denste unde denstgelde, mit aller nutticheyd, rechticheyd, herlicheyd, mit allem rechte unde gerichte, oversten, middelsten unde sy des ten, in hals unde handt, unde slichtes mit allem eegendome, up- kamingen, brukinge, unde mit aller vrygheyd, alse datsulve dorpp Lossendorpp vorbe nomed in alle synen enden, veldmarken unde schedingen aldervrygest belegen unde begrepen ist, bewegelick unde unbewegelick, unde besonderen so qwitt unde vryg, alse min zelige Vader Detleff vorbenomet voer, unde ick Hartwigh van Bokwolde na, unde ock unse vorvaren ditsulve dorpp Lossendorpp mit alle synen thobehoringen, benomed unde unbenomed, ye vryest hebben gehad unde bezeten, offte mochten hebben gehad unde bezeten, nicht mit alle dar buten tho bescheydende. Dyt vorbenomede dorpp Lossendorpp mit alle sinen thobehoringen, alse vorgeschreven is, schal unde wil ick

105

Hartwich van Boekwolde ergenomed, unde mine erven schollen unde willen den vorbe- nomeden hern Gregorio, Priori tho der Arnsboken, unde deme gantzen Convente dar- sulves unde allen eren nakomelingen rechte warende wesen unde jegenwardigen waren unde entfryen en datsulve dorpp van aller ansprake eenes jewelken nu unde alse vaken en des noed worde tho doende, uppe mine unde miner erven eegne koste unde the- ringe unde arbeyd, sunder alle argelist, behelpingen offte hulpereden. Unde hebbe darumme vor my unde myne erven den vorschrevenen Priori Gregorio unde gantzem Convente tho der Arnsboken vakenomed vorlaten unde jegenwardigen vorlate dit vorge- schreven dorpp Lossendorpp in siner scheede mit allem egendome unde thobehoringen, alse vakene geroered synt, in jegenwardicheit mines gnedigen hern, hern Alves, hertegen bavengenomed, dar an unde over weren de erwerdigen heren Gherd Cantzeler, Joachim Kuren knape unde Detleff Gronewold, amptman unde vogedh tho Segeberge. Unde hebbe dessesulven van der Arnsboken in dit vorgeschreven dorpp mit alle sinen tho behoringen gevored unde gezettet, unde jegenwardigen ze zette, vor my unde mine erven, mit krafft desses breves, in de hebbenden were unde vredesame besittinge des- sessulven dorpes Lossendorpp, unde vortie unde vorlate, vor my unde mine erven, allen eghendom unde alle recht, dat ick dar inne gehad hebbe, offte ock mine erven mit my tho jennigen tyden mochten gehad hebben offte mochten hebben tho jenigen tho- kamenden tyden. Alle desse vorschreven stucke unde artikele zamendlyken unde besun- dern lave ick Hartwigk van Boekwolde, eerbenomed hovedman, vor my unde myne Erven, den vorschrevenen heren Gregorio Priori unde gantzem Convente tho der Arns boken in guden truwen unde geloven stede unde unbrekeliken sunder alle argelist tho holdende. Unde love voerd vor my unde mine erven tho erer truwer hand dytsulve alle den jennen, de dessen breff hebben mit erem willen. Unde hebbe desses tho groter tuchenisse min ingesegele witliken gehenget laten an dessen breff. Unde wy Vollerd, Joachim unde Bertram van Boekwolde, brodere desses vorschreven Hartweghes van Bok- wolde hovedmans, bekennen unde bethugen apenbare in dessem sulven breve, mit an- henginge unser zeghele mit witschop unde willen, dat wy vor uns unde unse Erven, mit Hartwege, unseme brodere, hovedmanne, unde synen Erven vorschreven, den vakeno- meden hern Priori unde gantzen Convente tho der Arnsboken, jegenwardigen unde thokomenden, hebben geloved unde loven mit macht unde krafft desses breves, mit zamender hand, alle desse vorschreven stucke in guden truwen stede unde vast unbre- kelyken sunder alle qwade list effte behelpinge geistlykes effte werldlykes rechtes wol tho holdende. Desse breff is gegeven unde schreven na gades bord dusend veerhun- derd unde soven unde vofftigestem Jare, uppen Sondach na unser leven Vrouwen dage erer entfanginge.

14

106