XIV.

38aê ®raf ЖЬоЩ imt> Safob Ärumbefe jnt (Stiftung eineê Sungfrauen= ^íofleré in Sirenèbôf ^ergeben wollen. Ilunbbbt 1386, Februar 1.

(F. 25, 2, No. 40.)

In nomine domini amen. Wy Alelí, van der gnade Gades Greve tho Holsten unde tho Stormaren, unde ick Jacobus Crumbeke, Archidiaken tho Tribuzes in deme Dome tho Sweryn, unde tho Lubeck unde tho Hamborch Domhere, Bekennen unde bethugen apenbare in dessem breve vor alle den gennen, de en seen edder horen lesen, Dat wy mit beradem mode unde mit willen hebben lovet unde loven an dessem breve to stychtende ein Junckvrouwen Closter tho der Arnsboken, dor heyles unser unde unser oldern unde Frunde zeele willen, in de eere unses heren Gades, unde an syner reynen moder Marien eere, in aldusdaniger Wyss: dat wy Aleff, Greve vor schreven , willet geven unde geve van staden an tho deme sulven Closter de kercke unde dat kerckenleen tho der Arnsboken mit aller tholaghe unde thobehoringe vry unde umbeworen, nicht uth thonemende: Men also wy unde unse Olderen dit vor

17

vryeste hat hebben. Unde ick Jacobus Crumbeke vorschreven wil geven unde geve van staden an tho deme sulven Closter tho stvchtende, tho deme ersten sos unde druttich marck geldes, unde hundert marck geldes, de ick hebbe uppeme lande tho Vemeren in dessen dorpen: Galendorp, Metzendorp, Nyendorp, Stoberstorp unde Da- nitestorp. Vortmer so wil ick geven unde geve tho deme vorschrevenn Closter also vele gudes, alse me kopen. mach vor Dusend marck lubesscher penninge edder vor twelff hundert, unde dar tho also vele, alse ick deme vorbenomeden Clostere bescheyde an mineme Testamente. Unde wy Alff, greve vorschreven, bekennen unde betngen dat, wat goet de vorbenomede her Jacob Crumbeke bynnem unseme lande kopen wil edder kofft hyr to na unseme Rade, dat schole wy unde willen eme beeygendomen unde bevesten mit unsen breven na syneme willen unde na des Closters behueff. Unde up dat dat desse selyge danke unde wylle unde begrypinghe vort werde bracht, unde stede unde vast blyve unde unthobraken, So hebbe wy Aleff van der gnade Gades Greve tho Holsten unde tho Stormeren, unde ick Jacobus Crumbeke, Archidiaken tho Trybuzes in deme Dome tho Zweryn, unde tho Lubeck unde tho Hamborch Domhere vornomet. mit gantzer wvtschup unde mit willen unse Ingesegele henget hethen vor dessen breff, dede geven unde schreven is tho der Arnsboken in deme Jare na Gades bordt Drutteinhundert jar, in deme sos unde achtigesten Jare, in deme hvlligen avende unser leven Vrouwen tho Lychtmissen.