LXXIII.

ФеЙЯ) »an SSofwoíb f$enft jur %ЪЩШ^ einer ewi^ett Шф bent Softer %шЪЪЫ 1 Шахt ewiger jáíirlicfter Sienten auê einer $ufe in SSerforo nebfl ber SSergunftigung beê ©еЬraифб eineê SBegeê nûd) bem S3er= fower ©ее» 1446, tfugufl 2.

(F. i48, 2, No. 37.)

Witlick sy allen den ghennen, de dessen breff zeen efte horen lesen, dat ick Detleff van Boekwolde heren Detleff van Boekwolde zoene seliger dechtenisse, hyr vormals wanhaff tich tho der Swynekulen, bekenne unde betuge apenbar ein desseme breve, dat ick hebbe

95

angeseen,myne rseele salechey dunde der mynen, unde hebbe gebeden ene ewyge dechtenisse van deme Priore unde Convente tho der Arnsboken vor myne olderen, hern Detleve ridder vorbenomed undeNAlheyde, mine moder, unde Catherinen, wandages myner husfruwen, unde my sulven na mynen dode, dar se my anetwydet hebben, dar ick dancknamych umme byn, unde will en welke vorgudynge in tydtlyken dingen wedder tho keren, ene thogevende ene ewyge mark geldes ewiger gulde yn desser wyse: dewyle ick leve, so will ick ene alle jare uppe passchen ene mark lubesscher penninge geven. Wanner aver de jare vorgangen sint, de ick ene besegeld hebbe Berkowe thobeholdende, unde ick des tho rade worde by mynem Ievende, edder myne rechten Erven na mynem dode, datsulve dorp Berkow vor twolff hundert mark wedder tho kopende: so schal datsulve Closter unde Convente hebben darsulves in der hove, dar nu Tymmeke Toeten uppe sitted unde buwed, eyne mark geldes ewyger renthe, de nummer schal uthgelozet wer den: sunder ere twolff hundert mark schollen ene vullenkamen wedder werden, unde de eyne marck geldes allikewol deme Cloester ewich tho blivende, mit deme wege, dede geyt dor de vorbenomede hove tho creme see tho Berkow unbehinderdt tho brukende, alse se aldusslange daen hebben. Weret ock, dat ick dat dorp by mynem Ievende effte myne erven na mynem dode tho etliken jaren effle nummer mer wedderkoften, so willen de vorbenomede geistliken heren unde ere nakomelynge de begencknisse na eres ordens wysse ewygen begaen. Tho merer bekantenisse unde tuchenisse desser vorschreven stucke hebbe ick Detleff vorbenomet myn ingesegel vor my unde myne rechten Erven mit witschopp vor dessen breff hengen laten, de geven unde schreven is na Gades bord dusend veerhundert yn deme sos unde veertigestem jare, an sunte Steffens dage yn der Arne.