LIV.

Mtung Б�?ebeпфё unb ©ererbê $oten über bie 500 Matt fur ÎBaU ftorf, ^atteêfrog unb ©ntffau. Hamburg 1413, 2íugufr 24.

(F. 160, No. 55.)

Wytlick sy alle den gennen, de dessen breff seen offte horen lesen. Dat wy Diderick unde Gerdt brodere, geheten Hoeken, Riddere, bekennen undé betugen apen bare in desseme breve, dat de erlyke man her Harmen Greved, Provest tho Uthersten, hell entfangen unde uppeboret van unser wegene unde tho unser behuff van Johanne Bazedow tho Hamborch viffhundert mark lubesch myn achtehalven mark an guden reden thelleden penningen, tho unser noeghe, alse van des Prioris unde Conventus wegene der Chartuser Orden des Closters tho der Arnessboken, vor dat gutt, dorpe unde hoff tho Walstorpe. Katteskruch unde Gnessow. dat wy deme sulven klostere vorkofft unde vry vorlaten hebben. Van welkenn viff hundert marken min achtehalven marke vorschreven wy mit witschupp unde gudem vryen willen den vorbenomeden Prior unde Convente unde Kloster tho der Arnessboken vor uns unde alle unsen erven vry, quitt, leddich unde los laten an dessem breve. Unde des tho merer tuchenisse so hebben wy Diderick unde Gerdt Hocken brodere, unde Herman Provest tho Uthersten vorgenomet unse ingesegele mit willen unde witschop vor dessen breff gehenget, de geven is tho Hamborch in den Jaren Gades MCCCCXIII, in Sunte Bartholomaei Daghe des hilligen Apostels. Thuge hir tho sint de Erbaren lude, heren Bertoldt proveste tho Lubeke, Werner miles, Deken tho Hamborch, Diderick Strobelnigh pravest tho dem Reynebeke, Mester Herman Vos, Domhere tho Hamborch, unde Johan van der Lu, Kerckhere tho Sunte IN'icolawesse.