XXXI.

Sitièfage metyrerer Зeuo,eп, Ъа$ ber Хпф ju ^elíerêbagen gonj jum Älofter %tm№t geí)ôre. ©egeberg 1399, Suit) 25.

(F. 94, No. 108.J

Witlick sy al den jennen, de dessen breff sen edder horen lesen, dat wy Detleff* Raven, Henneke Kreye, heten Rennow, unde Tünne Rennow, her Nicolawessoene ved- deren unde olse de negesten Erven unde Vormundere der Rindere Graden Rennowen, deme Godt gnedich sy, bekennen unde betugen apenbare in desser schritt, dat uns witlick iss, alse wy warlyken berichtet sint unde wol uthe vraget hebben, dat de Dyke tho deme Rellershagen gantz thohort deme Closter tho der Arnesboken, unde dat des sulven Graden Rindere unde sine Erven dar nenerleye recht ofte anschot ane hebben van eres dorpes wegene tho Lyppatze, men it is an vore Jaren ummewesselt umme ackere uppe deme velde tho Florekendorpe, den nu buwet Stender, de nu wanet tho Lyppatze. Unde uppe dat nenerleye ansprake, twydracht ofte schelinghe dar umme werde an thokamenden tiden, men dat dat Gadeshuss unde Closter tho der Aniesboken mit vrede unde mit make dar ane blyve, unde ok dat Graden zeele unde sine Rinder unde Erven tho ewigen tiden deelafftich sin al der ghuden werke, de an deme Car- thuser Cloestere sehen unde in der kerspelkercken, unde de Carthusere unsen herren Godt innigen vor se bidden: so hebbe wy mit wolberadenem mude lovet unde loven an desser schriftt vor de sulven Rindere unde ere Erven, unde uns unde unse Erven, deme sulven Cloestere, dat se edder wy nummer meer willen noch scholen in deme sulven Dyke ansprake doen, ofte dat Rloster unde Gadeshuss dar jennygerleyewys ane

40

hynderen, men willen dat vorderen wo wy konnen unde moeghen, umme de eere Gades unde syner leven moder, Jungvrouwen Marien. Unde des tho tuchenisse so hebbe wy Detleff, Henneke unde Tunne vorschreven unse Ingesegele mit wyllen unde mit wytschopp tor dessen breff gehenget, de geven is tho Segeberge in den Jaren Gades Dusent Drehundert, in deme negen unde negentigesten Jare, uppe sancti Jacobs dach des hilligen Apostels. Unde hir hebben aver wesen tho -thuge de Erlyken lude her Johan Provest tho Segeberge, Detleff Walstorpp unde Lange Detleff Wensyn, de dor unser beede willen tho tuchenisse ock ere Ingesegele hebben vor dessen breff gehengett.