XCVI.

Penning öon SBofroolb, SStcar ju Sra»emtmbe, überlájjt feinen %Щeх\ am äu&lfee bem Äiofier ЯгeпеШ. ©Muftorp 1485, Sonuar 13+

(ß. 17, No. 26.~)

Ick Henningus van Boekwolde, seligen Hinrick van Boekwolden sone, wandages wanafftich tho Oldenborch lubisschen stichtes, bekenne witliken vor allesweme, de dessen minen breff seen effte horen lesen, dat ick mit gudeme beraden mode unde willen hebbe ghunt unde bewilleth de tidt lanck mynes levendes den geistliken vederen Car- tbuseren thor Arnsboken min pardt unde andeel, dat ick hebbe in deme Kulzee belegen by Schulendorper velde unde my andrepende is der vicarien haben, de ick hebbe in der kercken tho Travemunde, dar se my gantzliken unde wol tho dancke vornoget, na unser beyden halven belevinge unde willen, so dat ick dat gantz tho vreden bin, ock der vyskerye halven offt des mochte wes gescheen syn up mynem deele des zees van der tidt ick sodane Vicarie gehatt hebbe beth an dessen dach, dat schal allent loss, endiget unde gevlegen sin. Unde deshalven so mogen de ergemelten geistliken vedere sick dessulven mines partes sees nuttigen unde bruken nach ereme willen, wanne unde so vaken, alse ene dat gelevet, lyck ereme eghenen deele, dat se darsulvest ane hebben, dar ick demie offt nemant van mynen wegen wil effte schal jennige were edder hinder ane doen den ergenanten vederen unde den eren. Ock schal dar nemant an deme sulven mynem parte des sees up mynem raem visschen edder visscheh laten, geistlick edder werlick, mit nenerleige visscherie: weret overst, se hirnamals na giffte desses breves wene over begrepen van den mynen tho Schulendorpe eilte andere lansten, wol se denne weren. dar moge se denne by varen alse recht ist, dar ick se nicht wil unde schal ane vorbidden effte beschermen den vederen tho vorevange unde schaden. Offt ick over in thokamen tyden desse sulven mine vicarien vorbutede edder doch gantz liken avergeve unde vorlete, offte wo ick dar mochte von kamen, so wil ick doch den ergemelten vederen unde closter ene vullenkamen were wesen by minem nakomelinge allent wol tho holdende, also bavenschreven ist, also dat se van deme sulven mynem nakomelynge desshalven nene maninge, ansprake edder schaden dragen schollen. Men

126

ick schal unde wil se entheven unde genoch don van eren wegen deme sulven vicario wes eme mochte eghenen sodanen partes halven des zees alle de tidt mynes levendes. Alle desse stucke unde artikele samelyken unde ene islyken by sick segge unde (love} ick Henningus vorbenometh in guden truwen unde vastem loven tho holdende. Des ick tho tuchenisse unde guder vorwaringe min ingesegel witliken mit guden beraden mode hebbe sulvest gehengett. Unde ick Hans van Boekwolde, eelike broder Henninges bovenschreven, Hinrikes sone tho Ekelustorpe, umme bede unde kuntschopp willen mynes broders Henninges, hebbe min ingesegel witliken heten hengen vor unde an dessen breff, dede geven is tho Ekelustorpe an den jaren unses heren nach syner hilligen gebord veertheinhundert darna in dem viff unde achtygesten jare in den achte dagen der hilligen Drekonnige.