VIII.

4>ennefe unb SJtarquorb 93retbe üerfaufen £>of unb $Rù1)te ©фбпeп= tamp unb ií>re ©uter in $urau, Âerftenêf)aa,en, £>ofenborf unb SRole»e- jrorf an SSarttyol. unb Soi), ». 5£t)fení)ufen. 1376, Oculi, Шц 6.

(F. �?Oe, No M.)

Witlick sy alle den jennen, de dessen breff seen edder horen lesen, Dat wy Henneke unde Marquardt, brodere gebeten Breyde, beren Marquardes soene, knapen, bekennen unde bethuegen apenbare in desser jegenwardigen schriffte, dat wy mit wol- bedachtem mode unde mit vulborde unde willenn unser negesten Erven hebben rechte- liken unde redeliken vorkofft unde gelaten unnde eeliken uppegelathenn den Erlyken luden, herrn Bartholomeus van Tisenhusen, eynem reddere, unde Johanni van Tisen- husen, synem Veddern, unde eren rechten Erven alle dat gutt, dat hir na schreven steit, dat frig unde loess iss, alse den hoff thom Schonenkamppe mit der Molen, unde wes dar belegen iss in den Dorpen, alse tho Kurow, Kerstenshagen, Dokendorp unde Rolevestorpp, also alse wy dit vorbenomede guth kofften van Volrade unde Alberte, brodern geheten van Bockwolde, vor eyne Summen geldes, de uns de vorschrevene Herr Bartholomaeus unde Johann, syn Veddere, tho unsen willen wol bered unde be titalet hebbenn, unnde de wy vort in unse unde unser Erven nottrostlike nutte gekered unde uthgegeven hebben. Alle desses vorschrevenen gudes schollen de vorbenomeden Herr Bartholomaeus unde Johan, syn Vedder, unde ere Erven brukende wesen unde doen dar mede tho ewygen tiden, wes se wellen unde en best evene kompt unde schollen dat hebben unde besitten mit alle syn°n thobehoringen, alse mit hoven unde ackeren gebuwed unde ungebuwet, mit wysschen, weyde, bröke, möre, torve, mit holte, busche, stude, watere, waterlope, waterstouwinge, vlethe, springen, dyken, vysschen unde visscherien, mit den wegen, inwegen unde uthwegen, mit den enden unde landtscheden, also dat mit der grundt in synen veldtmarken unde schedingen belegen unde begrepen is unde belegen heft gewesen van oldinges; Vortmer mit allem rechte unde richte, alse in hals unde in hand unde sydest, unde mit allen rychten, de dar en twischen sint; Vorder mit allem eygendome, beyde rechte unde nutte. mit aller nutticheid unde make- licheid, unde slichtes mit alle deme, dat dar tho hored:, dem mynnesten unde dem mesten;-Unde sunderliken mit der allervollenkomensten Frigheit unnde besittinge, alse dat de vorbenomeden Volrad unde Albert van Boekwolde unde wy je frigest beseten hebben. Vortmer so schullen unde moghen die vorbenomeden Herr Bartholomaeus unde Johan, syn Vedder, unde ere Erven alle dat gut inlösen, wes van desme vorschrevenen gude uthsteid, dat wy van den vorbenomeden broderen Volrade unde Alberte van Boek wolde kofften, alse vorschreven is. Unde wes dat se losen, dat schal ere rechte erffköp

2

10

wesen mit allem rechte unde eygendome, lyke deme anderen gude, dat vorschreven is. Vortmer so hebben wy den vorbenomeden hern Bartholomaeus unde Johanni, synem Veddern, unde eren Erven alle dit vorschrevene guhtt gewared, unde wy unde unse Erven schollen und willen idt en vrien unde waren in ewigen tyden van aller ansprake eynes jewelkens, de dar mit rechte up sprekenn wil unde tho rechte kamen wil. Alle desse vorschrevene stucke love wy Henneke unde Marquard brodere, gebeten Breyde, vorbenomed mit samender band, vor uns unde vor unse Erven, mit unsen naschrevenen medeloveren in guden truwen stede unde vaste tho holdende sunder jenigerleye argelist. Unnde wy Hinrick van Boekwolde, Hinrick Brocktorpe, riddere, unde Reymar Breyde, knape, bekennen, dat wy mit den vorbenomeden Henneke unde Marquarde Breyden, mit samender hand in guden truwen hebben gelowedt unde loven in desme breve den vorbenomeden hern Bartholomaeo unde Johanni, synem Veddern, unde eren Erven alle desse vorschrevene stucke stede unde vaste to holdene sonder jennigerleye hulperede. In quorum omnium praemissorum evidens testimonium sigilla nostra ex certa nostra scientia et jussu praesentibus sunt appensa. Datum Anno domini MCCC septua gesimo sexto ipso die Dominico, quo cantatur Oculi mei cet.