Wir Lorennz vonn Gottes gnaden bischoue zu Wurz burg vnnd hertzog zu Franken. Als der crwurdigst in Gott vatter vnnser besonnder lieber herr vnd frewndt herr Oriell erwelter zu Mainz etc., vnnd churfurst, zwüschen vnn ser eins vnnd Assmusen grauen zu Wertheim andertheils irrung vnnd zwitracht halben so zwuschen vns beder- seydts erhalten, vnnd von seinen liebe vnd derselben rchten verhoret worden sind, vff hewt dato an abrede vnd bewy- dung ulFgericht vnnd vnnser yedem theyl der eine vnnter seiner liebe anhangenden insigell vbergeben hat, bekennen wir offentlich mit diesem brieff gein allermenngklich, das solch abrede vnd bewydigung mit vnnserem willen vnnd wissen vffgericht vnnd bescheen, thun vnd geben vnsern willen hiemit dartzu, bereden vnnd versprechen auch bey vnnserem furstlichen glawben vnd trewen fur vnns vnd alle vnnsere nachkomen incrafft des briffs, das wir solcher ab rede vnd bewydigung, souil vnns die beruret vnd was vnns dar innen aufgelegt ist, trewlich nachkomen, auch was da auf weyters durch den gemelten vnseren besonderen libes herren vnd frewndt von Meinz churfursten etc. gesprochen vnd endscheiden wurdet, on alle wegerung annemen vollstrecken vnd vollnzihen sollen vnd wollen ongeuerde. Zu vrkunde haben wir vnnser insigell an disen brieff thun henken vnd

314

den seiner liebe umb vester haltung willen vbergeben in vnnser statt Wurzpurg vff montag nach sant Sebastians tag . vnnd Cristi vnnsers lieben herrn geburt lünffzehenhundert vnnd im newndten jare.