Wir die stette Regenspurg vnd Basel, fri stette. vnd auch wir des heiligen römischen rychs stette Augspurg, Nürnberg, Costencz, Vlme, Esslingen, ßütlingen, Rotwile, Wyle, Yberlingen, Memingen, Bibrach, Ravenspurg, Lindowe, Sant Gallen, Pfullendorff, Mülnhusen, Kempten, Kouffpiuren,

159

Livtkirch, Isni, Wangen, Nördlingen, Rotenburg vff der Tu ber, Dinkelspühel, Winczham, Wissenburg, Gemünde, Halle, Hailprunnen, Wimpfen, Winsperg, Swinfurt, Giengen, Aulim, Bopffingen, Buchorn vnd Buchowc. Bekennen oll'enlieh mit disen brieff: als sich der edel wolerborn vnser lieber gne- diger herre Graf Johanns von Wertheim mit ym selb vnd auch mit. allen sinen stetten, schlossen, landen, luten vnduuch guten zu vns in vnserm bunde versinket vnd verbunden hat, nauch vnsers bundprieffs lute vnd sage vnd nanch des brieffs vswisung, den er vns darumbe besigelten geben hat. Darumbe so haben wir ym jeczo gelobt, versprochen vnd verhaissen, mit vnsern guten truwen vnd vf die aide, die wir in vnserm buudebrieffe gelobt vnd gesworu haben, das wir ym vnd den sinen, die ym ze versprechen saind, getruliclien sullen vnd wellen beraten vnd beholfen sin, wenne oder als dike si des notdurftig werdent nach vnsers bundbrieffs lute vnd sage ze gelicher wise vnd in allem dem rqchten, als ob er densel ben bund mit vns angevangen vnd gemacht hett vnd bi vns in demselben vnsern bundbrielTe begriffen were vnd verschri- ben stünde ane alle geverde. Vnd darumbe das der vorge nant vnser herre von Wertham mit hilffe des minder gesonit werde. so haben wir vns dezunt willen zu im veraint. Wenne das were das ym oder den sinen die ym ze sprechen saind, icht sach zufiele, darumb sie vnser hilffe notdurftig würden, das sy denne die sach wol bringen mögen an der dryger stette an Rotenburg, Hailprunnen oder Wimpffen, an welich vnder den dryen si wellen vnd alsbald sy die sach an der dryer steite ainbracht band, diuselb statt sol denne vnver- zogenlich zwo die nechsten stette zu inmanen, vnd beken nen sich denne die selben dry stette, das diu sach also gcstalt sy, das si die ainige ane gemain stette wol nider gelcge vnd selb darzu getun muge, die sullent ouch das denne von vnser aller wegen vollefüren vnd tun ane alle geverde. Were aber das si sich bekanten, das si das ane gemain stette nicht vstragen noch erobern soften, oder möch ten, so mugent sie das denne wol bringen an gemain stette vnd waz hilffe die denne darumb bekennent, also sullent auch wir denne demselben vnserm herren von Werthain vnd den sinen, die im zu versprechen saind, getrulichen beraten vnd beholffen sin als lange biz das solich geschichte vnd sach genzlich erobert vnd widertan wirt an alle geverde. Wer es aber sach das derselbe vnser herr von Werthain vnser hilffe zu täglichem krieg bedürfen würde, wenne denne

160

er oder sin amptliute an siuer stat die sache bringent an der vorgenanten stetle welich sy dennc wellen, bekennet denne diu stat vnd mit ir zwo die nechsten stette oder mer, daz sie der notdurftig sien, die sullent ir danne nach derselben ir ermannunge in den nehsten vierzehen tagen oder ee vnge- varlich zehen mit spiessen ze rosse erber wolerzwgter liute vf vnser selbs kost, schaden vnd verluste, schicken vnd sen den, an die stette, die sy denne benempt vnd verkunt haut, vnd die ouch denne von vnsern wegen getrulich beraten vnd beholfen sin sullent alz lange bis das solich sach vnd geschichte genzlich erobert vnd widertan wirt ane alle ge- verde. Vnd sullent in dennocht darzu die hilfle nauch des verbuntbrieffes lute vnd sage, ob des not beschicht, vnd diu sach also gestalt ist, getrulichen bekeren vnd tun ane alle geverde. Vnd der darumbe damit nicht, ob noch vsgan inkamen wegen ane alle geverde. Darzu sullen wir in alle vnser stette vnd schlosse die zite vnd jare ditz bunds offen halten zu allen iren nöten, sich daruss vnd darin zu behel- fen one alle geverde. Vnd darumbe das dis verbundnisse vnd friuntschaft zwischen vns baider sit desto friuntlicher ge halten werde, so haben wir vns dez ictze mit dem vorge nanten vnsern herren von Werthain auch willeklich verai net. Also weres das wir oder dehain unser diener oder bür gere, es weir edel oder vnedel, gebursman oder ander liute, die vns zu versprechen stünden, ichtzit zu des vorgenanten vnsers herren von Werthain burgere oder gebursman zc sprechen hetten oder gewinnen, warumbe das wäre, das wir das denne gen in mit solichen friuntlichen rechten erforderen vnd vstragen sullen, an den stetten vnd in den gerichten, da sy danne gesessen sind, oder in den gerichten, darin si danne gehorent, vnd vns des denne da ader was vns damit vrteil vnd mit recht ertailt wirt, volbringen laussen, doch also, das er vnd die sinen schaffen vnd fügen sullent, das vns furderlich gericht vnd recht vnverzogen werde, ane alle geverde. Weirs aber sach, daz wir oder die vnsern, die vns zu versprechen sind, ichtzit zu dem vorgenanten vnsern herren von Werthain oder zu sinen dienern, es were her ren, ritter oder knechte ir ainem oder mer ze sprechen hat ten oder gewinnen, darumbe sol vnd mag diu stat vnder vns oder ir burgere, die diu sach angot, einen gemainen man nemen, vsser des vorgenanten vnsers herren von Wert hain rate, welchen sie denne wellen, vnd derselb soll in auch denne darnach furderlich in vierzehen tagen den nechsten

161

tlarnauch vngevarlich tag beschaiden an solich gelegen stett, die in beidersit bequemenlich sien vnd vff dem tag mag iet- weder wile ainen oder zwen schidman zu dem gemainen man setzen vnd geben. Vnd dieselben fünf oder dry sullent deime die sach mit ainem friuntlichen rechten vsrichten vnd entschaiden vnd sullent ouch das. recht darumbe sprechen vf ir aide, ob si das sunst mit der minne nit verrichten moch ten. Vnd sol och mit namen der vorgenant vnser herre von Werthain mit den sinen, welcher also zu ainem gemai nen man genomen wirt, schaffen, das er sich des anneme vnd das ouch vns vnd den vnsern recht also vollegangen als vorgeschriben stat one alle geverde. Vnd also geloben wir stette vf die aide, die wir in dem vorgenant. vnserm verbuntbriefe gesworn haben alle vorgeschriben sach war vnd stät ze halten, zu leisten vnd ze voflefüren ane alle geverde nach dis brieffs sage. Vnd zu wareim vrkunde al ler vorgeschribener sach, so hant die von Nürenberg, von Rotenburg vff der Tuber vnd die von Hailprunne ir stette insigel fur vns alle von vnsers haissents wegen offenlich gehenkt an diesen brieffe, der geben ist des nechsten sams- tages nach aller heiligen tag, do man zalt nach Christz geburt driuzehenhundert jare vnd darnach in dem siben vnd achtzigsten jare.