Casimir von Gots gnaden marggrave zu Brandenburg, zu Stetyn, Pomern etc. herzog, burggrave zu Nürmberg vnd fürst zu Rügen. Unser freuntschaft zuvor. Wolgeborner lieber oheim. Nachdem ' wir aus schickung des almechtigen die vonn Nürmberg geschlagen vnd ine ir wagenburg mit- sambt etlichem mercklichem geschoos, pferden vnnd annderm haben abgenommen, daraus sich verursacht, das wir in na men vnnsers lieben hern vnd vaters geschickt sein müssen ferner zu handeln, wo sich gebürt, dorumb so ist in namen seiner lieb vnnser gar gütlichs begernn bitend: das du mit

311

sambt deinen knechten vnd pierden auff das rüstigst vnd sterkst du ymer magst, vff montag nach saut Margreten tag schirstkunftig im feld bey dem dorfl Ror zwischenn Halss- pronn dem closter vnd der stat Swobach gelegenn bey vnn- serm lieben hern vnd vater seyst, mit wagen, zelten vnd andern, das in ein feld gehort, der mas geschickt, damit du bey seiner lieb im feld beharren mogst vnd ye also nit aussen pleiben. Inn bedacht, was vnserm herrn vnd vater, vns und der herrschafft daran gelegen ist, dess wollen wir vns zugescheen gutlich vnd vnzweyfenlich zu dir versehen vnd vnser herr vnd vater vnd wir in freuntschafft gegen dir zu beschulden vnvergessen sein. Datum Swobach am dinstag nach Viti. Anno (MD) secundo.

Dem wolgebornen vnserm lieben Oheim vnd graven Micheln graven zu Wertheim.