Goldgulden, die ihm der Erzbischof Balduin von Trier abermals

geliehen hatte und wofür er denselben auch in einen grossen

Tnrnos am Zolle zu Oberlahnstein einsezte. 1351.

Ich Reynard herre zu Wefterburg tun kunt &c. daz ich von rechter, redelicher, geluwen fcholt, deme erwir- . digen &c. hren. Baldewin Ertzebifchofe zu Triere, oder wer vorderunge von yme oder diefen brieff innehait, fchuldig bin 1000 gulden von Florencie, gut vnd fwere von golde, die er mir an guden gereiden gulden vor diefer zyt hait dun lihen vnd tzelen, vnd die in mynen nutz vnd vrbar komen fin vnd gekeret. Vnd han yme oder wer vorde runge von yme hait verlacht vnd bewyfet vor diefelben 1000 gulden eynen grozen Turnois an dem zolle zu Ober- laynftein, den ich dafelbes han, vnd myn vorgen. herre von Triere itzunt da inne fitzet vor 1000 fchiltgulden, die ich yme zu furentz fchuldig bin als die brieve halden, daz fie den grozen ane hinderniße myn oder ymans anders gerug- lich ane yre koft vnd fchaden fullen haben vnd nemen na bezalunge der vorgen. 1000 Schilde, vnd als lange da inne geruglich verliben fitzen biz die egen. 1000 gulden von florentzie gentzlich bezalit werden. G■efchege iz aber, daz myn vorgen. hre. von Triere oder wer vorderunge von yme

167

hette des turnoys wurden enweret', von waz fachen daz were, fo globen vnd fichere ich Reynard vorgen. daz ich vnd die edeln lude myne lieve mage her Godefrid von Seyne, herre zu Hoenburg vnd Johan, eldifte fon des greven von Seyne, myn eidem, vns mit vnfers felbes libe binnen vier wochen fobalde vns daz vor vnfere hus, da wir plegen zu wonen, wirt enboden, in vnfers hren. ftad zu Meien in rechter gifelfchaft inzuriden, vnd nit dar vß zu komene yn enfy von irft die vorgen. fcholt mit koft vnd fchaden, die fie dar vmb lyden. gentzlich vergulden. Were auch, daz der vorgen. myner gifele eyner oder beide abegienge, daz got wende, oder andirs binnen landes nit enweren, oder daz man fie nit haben muchte, fo fal ich einen oder zwene an dere gifeln, alfo gut, an fine oder yre ftat fetzen, darnach binnen acht dagen, fo mir daz verbodit wirt vor myn hus, da ich plegen zu.wonen, der oder die fullen fchuldig fin von gifilfcsaft allez daz, daz die, oder der ander fchuldig waren zu dune. Vnd wir Godefrid vnd Johan vorgen. dun kunt &c. daz wir mit dem edelen manne vnferm lieben mage, hepn Reynard herren zu Wefterburg vorgen. vor yn gifel worden fin in aller mazen als oben von vns gefchrieben ift vnd begriffen, vnd globen vnd ficheren daz in guden truwen ftede vnd fefte zu haldene ane argelift vnd geverde. Des zu vrkunde han wir Reynard, Godefrid vnd Johan vorgen. vnfere jngefiegele an diefen brieff gehangen. Der gegeben ift nach Criftus geburte 1351 jair, an dem neheften fritage vor Sant Gallen dage.

Vom Original in Coblenz.

168