+ Paschalis episcopus servus servorum dei. Dilecto filio Geroldo1 abbati monasterii sanctaea) Mariaea) Fabariensis eiusque successoribus regulariter substituendis in perpetuum. + Sicut iniusta petentibus nullus est tribuendus effectus, sic legitimab) desiderantium non est differenda petitio. Proinde nos, fili in Christo karissime Gerolde, tuis petitionibus annuentes, beatę Marię Fabariense monasterium, cui deo auctore presides, apostolicę sedis auctoritate munimus. Definitionem igitur, quę super controversia inter te et Basiliensem episcopum Rodulfum2 habita in tua et legatorum eius presentia, qui ab eo ad causam ipsam agendam missi fuerant, fratrum nostrorum episcoporum et cardinalium iudicio facta est, videlicet ut abbatia vestra in sua semper libertate permaneat, presentis privilegii pagina confirmamus. Sicut enim tunc vel ex monachorum relatione vel ex preceptorum regalium testificatione comperimus, constat monasterium ipsum non a regibus vel imperatoribus, sed ab aliis fidelibus viris fundatum, nec donorum regalium magnificentia, sed aliorum fidelium oblatione ditatum3. In ipsis etiam regum vel imperatorum sancitum preceptis erat, ut abbatia illius monasterii * libera sit et ab omni extranea et iniqua potestate secura, nec alicui regum vel imperatorum liceat eam vel res eius alteri monasterio aut personę inbeneficiare aut in proprietatem donare. Ad hoc adicientes statuimus, ut quęcumque bona, quascumque possessiones idem monasterium in presenti VIllIa) indictione legitime possidet, et quęcumque in futurum iuste atque canonice poterit adipisci, firma tibi tuisque successoribus et illibata permaneant. In quibus hęc propriis duximus nominibus exprimenda: aecclesiam sancti Gaudentii ad pedem Septimi montis4 cum pertinentiis suis, possessiones in territorio Clauennę5, aecclesiam sanctę Marię cum villa Guategisso6, aecclesiam de villa Hedingen7 cum eadem villa, curtem de villa Metemunstat8, aecclesiam sanctę Marię cum villa Tuconia9 et adiacentiis suis, villam Milcinchofc)10, aecclesiam sancti Stephani de villa Mannidorf11 cum curte. Decernimus ergo, ut nulli omnino hominum liceat predictum monasterium temere perturbare aut quęcumque ipsius sunt auferre vel ablata retinere minuere vel temerariis vexationibus fatigare, sed omnia integra conserventur eorum, pro quorum sustentatione et gubernatione concessa sunt usibus omnimodis profutura. Obeunte te nunc eius loci abbate vel tuorum quolibet successorum, nullus ibi qualibet surreptionis astutia seu violentia preponatur, nisi quem fratres communi consensu vel fratrum pars consilii sanioris secundum deum et beati Benedicti regulam providerint eligendum, nullusque illi electioni se ingerat nisi quos religiosos viros congregatio vestra voeaverit. Si qua igitur in futurum aecclesiastica secularisve persona hanc nostrę constitutionis paginam sciens contra eam temere venire temptaverit, secundo tertiove commonita, si non satisfactione congrua emendaverit, potestatis honorisque sui dignitate careat reamque se divino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Iesu Christi aliena fiat atque in extremo examine districtę ultioni subiaceat. Cunctis autem eidem cenobio iusta servantibus sit pax domini nostri Iesu Christi, quatenus et hic fructum bonę actionis pereipiant et apud districtum iudicem premia eternę pacis inveniant. + Amen. Amen. Amen. + (R.)d) Ego Paschalis catholicę ecclesię episcopus ss.e) (BV.) Datumf) Laterani per manum Grisogoni subdiaconi agentis vices domni Iohannis cancellarii, IIII kl. febr., indictione VIIIIa, anno dominicę incarnationis millesimo C° XVI °, pontificatus autem domni Paschalis secundi papę anno XVII °.

Source Fulltext: UB der südl. Teile des Kantons St. Gallen I/3, Nr. 152, S. 148-149.