Ich Ditrich von Pylichtorf hofmarichschalich ze Österich vergich an den brief und tun z chunt allen amptleuten und richttarn, di den brief ansehent, daz min her herzok Rudolf von Osterich hat mit mir geschaffen, daz ich ledik lazze und ledik sage dem abte und der saminung von Engelcelle allez daz gut, das si habent in Osterich gechauffet und gewunen unz uf den heutigen tag und daz si nimer chauffen soln in dem lande an mines heren des herzogen vrlaub Da von gepeut ich, daz si niemand crige an dem gut, daz si heunt habnt und darüber gib ich den brief versigelten mit meinen insigel. Das ist geben daz Wien, do von Christs purt warn dreuzehn hundert jar in dem driten dez suntages, do zehn tag waren gevastet.

Source Fulltext: OÖUB 6 (Wien 1872), Nr. 37 (Anhang), S. 602f.