Nos Wernhardus dei gracia ecclesie Pataviensis episcopus presentibus confitemur, quod cum Chunradus Hagarius decimam nostram in Neundorf, sicuti sui progenitores fecerant, tenuisset in juris nostri prejudicium occupatam, nosque eundem neque plectendo per censuram ecclesiasticam neque per secularis judicii strepitum ab hujusmodi occupacionis possemus violencia revocare, tandem ne jus ecclesie nostre per lapsum temporis absoberi in totum contingat ejus maliciam ignoscendo saltem vincere cupientes venerabilem in Christo fratrem dominum Christianum et conventum Celle angelorum induximus, quod idem per exhibitionem nonaginta marcarum puri agenti wiennensis ponderis factam predieto Chunrado Hagario exactionem occupacionis predicte redimere curaverunt predictam decimam sue possessioni vendicando hoc salvo, quod quando nos vel successorum nostrorum aliquis predictis abbati et conventui Celle angelorum nonaginta marcas argenti puri assignaverimus, ex tunc predicta decima ad Pataviensem ecclesiam libere revertetur. Verum, quia predictis abbati et conventui Celle angelorum ad provisionem necessariorum nos esse cognoscimus debitores, damus et donamus eisdem liberaliter fructus et proventus antedicte decime in Neundorf, ut eosdem licite et libere percipiant, ita quod nulla deduccio locum habeat nec aliqua possint usure notari infamia. vel nota presertim, cum per argentum suum uberiores potuerint redditus comparasse, donec a nobis vel nostris successoribus nonaginta marcas argenti puri fuerint assecuti. In cujus rei testimonium presentes dedimus itteras nostro sigillo munitas. Datum Wienne anno domini M.CCC. IV. in crastino beatorum apostolorum Phylippi et Jacobi.

Source Fulltext: OÖUB 6 (Wien 1872), Nr. 44 (Anhang), S. 607f.