Ich Pu^erkhart der Lochler, zu^e den zeiten veldrichter y^ennerthalben des Champs, ich Gilig, dizeit des rats vnd judenrichter ze chrents, ich Pawls der Chraw^etwu^ermb, dizeit der hochgebo^ern fu^ersten in O^esterreich sluzzler ze Chrems, vnd ich Chu^enrat Reichersperger, di zeit o^ebrister spitalmeister doselben, ich Hainreich Ra^ekkinger, die zeit des rats vnd ungelter ze Chrems vnd ze Stain, vnd ich Vlreich Schu^eell, pu^erger doselben, veriechen offenlichen mit dem brif vnd tu^en chu^ent allen Law^eten lembtigen vnd chu^enftigen vmb die stozz chrieg vnd misshelu^eng, so gewesen ist zwischen dez erbi^erdigen ga^estlichen herren abpt Vlreichs vnser vrow^en gotshaw^es ze Chotweig vnd seines conventes doselben an aynem tail vnd dez erbi^erdigen gastlichs (!) herren abpt Petreins von Engelzell vnd seines gotshaw^es doselben an dem andern tail vmb ayn werdel, daz gelegen ist gegen den vorgenanten gotshaw^es von Chotweig new^en werd vber, des selbigen chriegs stozz vnd mishelung synd sy paidenthalben vnpetwu^engenlichen mit i^erem gu^etlichem willen hinder vns vorgenant sechs gegangen vnd habent vns vleizzik gepeten, daz wi^er zwischen in erfu^enden my^enn recht vnd gu^eet, vnd was wi^er danne spra^echen vnd erfu^enden, daz wollen sy angeuer gern sta^et haben vnd ga^entzlichen volfu^eren, alz sy dez i^er geho^ell (!) prif darv^emb gegen einander geben habent. Nu^e haben wi^er zu^esambt vns genomen den weschaiden Hainreich den Wiert von Wagrayn vnd haben nach vnsern trew^en gesprochen vnd sprechen auch mit dem brief daz vorgenant werdel geleiches du^erich langs a^euf von einander vnd enzway, alz daz a^euch a^eusgetailt vnd gemaricht ist, den ayn tail, der gelegen ist zenägst dez vorgenanten gotsha^ews von Chotweig new^en werd, haben wir gesprochen mit lant mit holcz dem egenanten Gotshaw^es zu^e Chotweig vnd sprechen den andern halben tail dez obgenanten werdleins gelegen lantz halben an mit lant vnd mit holtz dem egenanten gotshaw^es ze Engelzell vnd sprechen au^ech, swelichem tail fu^erbas icht ansprach oder chrigs au^eferstu^end hintz seinem tail von wem daz wer, derselbig tail scho^el au^ech seinen tail an des andern tail mu^ee vnd schaden a^eus richten. Vnd des ze aynem waren festen ewigen vrchu^end geben wi^er dem vorgenanten gotshaw^es ze Chotweig den offen brief versigelten mit vnser vorgenanten sechs spru^echlaw^eten anhangunden insigel. Geben nach Christi gepu^erd drew^e czehen hu^endert jar vnd darnach in dem new^en vnd sibenczken jar an sand Jorgentag.

Source Fulltext: OÖUB 9 (Wien 1906), S. 615-616