||[fol.1r, rechts (Seite 1)]

Ferdinand der Ander von Gottes gnaden Erwolter ||
Römischer kaiser zủ allen zeitten Mehrer des Reichs () [ect.]. ||

Hoch: vnd Wolgeborner, Edle[r] Ehrsamer, Gelehrter, ||
Liebe vnnd Gethreủe. Vnnß ist daß jenige ||
gehorsambist wol referiert vnnd fürgebracht worden, ||
waß vnß Je aủf beschechene Vernemủng vnserer ||
N: O: Regierủng, wegen Warủschen von Hochkhirchen ||
wittib, wider Carl Von Herberstain freÿherrn [ect.] vns||
die dủrch Jne erlanngte Executions Einstellủng||
verner mit räthlichen Guettbedủnckhen berichtet.

Wann wir dann die Sachen aủß denen allerseits||
aủßführlich vnnd gannz vmbstanndig ange zogenen ||
rationen vnnd motiven als Clar vnnd Laủtter be: ||
fünden daß derowegen die Justitia nit zủsperren, ||
sonndern derselben Jr straker Laủff zủlassen, Alß[o] ||
haben wir vnnß hierüber allerg[ne]đ[ig]ist resoluiert, daß ||
gemelte Von Hoffkierchen wittib beÿ der hieủor ||
Cum Causæ cognitone aủßgewürkhten Gerichtlicẖ[en] ||
Execution vnnd erlangten prossess gelassen, der ||
Von Herberstain aber abgewißen werden solle: ||

||
[fol.1v, links (Seite2)]

Hieraủff Jr nủn vnnd die widerủmb hiebeÿ khomendte ||
Schrifften, gehoriger orthen die weittere Verfüegủng ||
zuthủen werdet haben, damit die Partheÿen diser ||
unnserer g[ne]đ[ig]isten Resolution gebürender massen er: ||
indert, aủch benebens dem Von Herberstain ange: ||
deüttet werde, daß wir beÿ vnnserer HoffCamer ||
die gemeßne Verordnủng gethan, Jne entgeǥ[en] ||
seiner der Hoffkircherischen Güetter halber ||
gelaisten bezahlủng, vnủerlangt zủentheben vnnd ||
hierinen gebürliche Satisfaction zủgeben. An ||
deme beschiecht vnnser g[ne]đ[ig]ister gefelliger willen ||
vnnd mainúng, Seindt euch dabeÿ mit Kaiser:[-] ||
vnnd Landtsfủ:[rstlicher] Gnaden wol gewogen, Geben. ||
aủf unsern Königli[chen] Schloß zủ Prag den Sechzehenṯ[en] ||
Maÿ. Jm Sechzehen hủndert Acht vnnd Zwainzigisten||
Jhar. Vnnserer Reiche deß Römschen im Achten ||
deß Hủngerischen im Neủndten vnnd deß Böhemiscẖ[en] ||
im Aylfften ˙/. ||

Ferdinand M[anu]P[ropria]

Ad mandatum Sac.[r]^æCæs.[are]^æ||
Mai[je]statis propr[i]um

J.[ohann] B.[abtist] Fh[re]i[herr]: v[on]. Verdenbe[r]g.

Tobias Gertinger M[anu]P[ropria] ||

||
[fol.1v, rechts (Seite 3)]

[Dorsalvermerk #1]

Fiat allermassen dises Khaÿ:[serliche] allergenedigiste ||
Schreiben, und vorstehendt der herrn depủtierten ||
[?] vermag, und dessen die interessierten mit ||
[?] [?] zủerindern. ||
[?] 24. Maÿ: [1]628. ||

||
[fol.1r, rechts (Seite 4)]

[Dorsalvermerk #2]

[???] ||
[???] ||
[???] ||
[???] ||
[?]

[Siegel]

[Umschrift:] FREDINANDVS II. D.[ei] G.[ratia] EL.[ectvs] RO.[manorvm] IMPER[ator] S[emper] A[vgvstvs] GERM.[aniæ] HVNGA[rieae] BOHE[miæ] REX. ARCH[idvx] AUST[riæ] DVX BVR.[gundiæ] CO[mes] TYR[olis]: ||
[Ferdinand II, von Gottes Gnaden erwählter röhmischer Kaiser, allzeit Erhabener, König von Germanien, Ungarn, Böhmen, Erzherzog von Österreich, Herzog von Burgund, Graf von Tirol.]

[Adresse]

Dem Hoch vnd Wolgebornen, Edlen Ehrsamen, Gelehrten ||
vnsern Lieben und Getreủen, N: vnnd N: vnsern zủ Wien ||
hinder lasßnen Gehaimben vnd Deputierten Räthen ˙/.

[Dorsalvermerk #3]

20. Maÿ. [1]628 ./. ||
f.[reÿin] v.[on] Hoffkhirchen [contra] Herberstain

[Dorsalvermerk #4]

Fiat allermassen

[Dorsalvermerk #5]

.24. Maÿ. [1]628 ˙/. ||
[?] N: O: Reg:[irung] allermassen siech Jhr Kaÿ:[serliche] Maÿ:[estät] aller ||
g[nedig]st [?].

[?] [?]. [?] [?] [?]: ||
20 Maÿ i628 ||
[?]: [?] [subscripsit]

Source Fulltext: © FWU 2015