[17. September 1414]

[1] Die 17^ma mensis Septembris178 congregata est facultas ad instantiam magistri Stephani Spetzhardi, qu i in eadem humiliter petivit admitti ad examen pro licentia in medicina. Et propter plures causas repatriandi ab eo assignatas et alias causas tunc tactas admissus est ad examen hoc adiecto, quod si a doctoribus medicine post examen approbaretur, per duos annos complete post sui licentiam in partibus suis practicaret et infra eosdem Wiennam non rediret propter plures actus pueriles et quodam modo actus mimorum [!], quos Winne exercuit; prefatis vero duobus annis completis et ipso prudentiori et in moribus graviori effecto, ut promisit, Winnam posset redire.179

Item idem magister Stephanus Spetzhart licentiandus supplicavit facultati, ut ipsa dignaretur sibi condescendere in hoc, quod reciperet licentiam in medicina simul cum

iuristis magistro Iacobo de Baden et domino Fridrico Brenner tunc etiam in facultate iuris canonici licentiandis. Quod erat sibi simpliciter denegatum ex causa nescio qua, non obstanti, quod illud sic fieri in valuis fuisset publicatum. Hoc Spetzhardus per manum suam. [fol. 22r]180