[19. Mai 1416]

[1] Anno etc. sedecimo fuit totius universitatis congregatio mensis Maii die decimanona [!] super discordia longo tempore currente ex parte locationis doctorum et licentiatorum trium facultatum theologie, iuris canonici, medicine, prefate universitati incorporatorum.

Et tunc omnibus facultatibus presentibus placuit190 ex concordia predictarum trium facultatum, quod omnes doctores theologie deberent se sequi et post doctores theologie doctores iuris canonici, post doctores iuris canonici doctores medicine, post illos licentiati theologice facultatis, post illos licentiati iuris canonici, post illos licentiati medicine, post illos magistri in artibus.

[2] Sed de licentiato Sebaldo conclusum fuit, quod deberet ire in ordine suo merito sui magisterii, quia non erat facultati medicine incorporatus. De licentiatis aliarum universitatum, facultatibus hic incorporatis nihil fuit tunc conclusum, sed suspensum ad tempus magis otiosum. Et superius dictum debet de perpetuo observari et in omnibus congregationibus, stationibus, processionibus in die Corporis Christi ac etiam aliis universitatis solempnibus.191 Sed rector non obstantibus statutis universitatis adhuc non voluit concludere, scilicet dominus Iohannes de Westvalia.192