[7. Dezember 1416]

[1] Die 7^a mensis Decembris facta est congregatio facultatis, in qua petivit quidam cyruicus litteram promotorialem a facultate. Exibuit enim se magistralem in quibusdam casibus cyrugie, scilicet in excidendo lapidem vesice et incidendo hernicos etc. verte folium. [fol. 25v]

Conclusum tamen fuit, quia petitio sua erat insolita et prius nunquam attemptata, idcirco littera tradi non deberet etc.

[2] In eadem congregatione propter quandam protervitatem et arrogantiam illatam doctoribus facultatis a Conrado Röchling, licentiato in iure, in die sancte Katherine²⁰⁰ in statione ad Predicatores conclusum fuit, quod decanus et magister Iohannes de Valle Eni accedere deberent rectorem et coram eo protestari, si et inquantum

doctores facultatis non visitarent aliquam stationem aut congregationem, quod eos de pena aut periurio excusatos haberet, quoniam hoc non propter inobedientiam

facerent, sed solum ad maius scandalum, quod oriri posset, evitandum. Facta est eadem protestatio in vigilia conceptionis beate virginis201 coram rectore, presente notario Iohanne, bedello iuristarum, cui arra super isto fuit data.

[3] Protunc etiam conclusum fuit, quod nullus doctor de novo superveniens amplius aliquid ad valuas ecclesie aut scolarum intimare deberet nec de aliquo libro pronunttiando neque receptam dando etc. nisi cum consensu facultatis et quod intimatio transiret per manus decani facultatis.202

[4] Item fuit una congregatio facultatis pro anathomia celebranda et conclusum, quod decanus intimare deberet ad portam collegii et scolas medicorum sub tali forma:

Notificat decanus facultatis medicine omnibus anathomie203 celebrande interesse volentibus etc.