[15. Januar 1419]

[1] Item statim lapsis diebus256 septem, fuit congregatio super articulo prescripto. Cui congregationi supervenit dominus doctor magister Iohannes de Hamelburg proponens, qualiter magister Sebaldus coram domino Pataviensi litteris et aliis signis evidentibus sufficienter probasset, se esse licentiatum in medicina. Quare dominus noster dominus Pataviensis desideraret ipsum recipi ad facultatem ac practicam medicine, cum

tamen utique alias sibi daret indultum practicandi, et conclusum fuit protunc et responsum magistri Iohanni de Hamelburg, quod licet propter varios et notabiles excessus magistri Sebaldi contra facultatem superius scriptos et non plene in actis facultatis de anno 16°, ipse merito ad facultatem recipi non deberet, ob reverentiam tamen reverendissimi in Christo patris et domini domini Pataviensis, domini nostri gratiosi, si prefatus magister Sebaldus signis evidentioribus, quam essent illa per eum adducta in anno 16° etc., probaret, se esse licentiatum in medicina, facultas iuxta formam statutorum suorum ipsum admittere vellet ad consortium suum et ad practicam medicine. [fol. 33v]

[2] Item fuerunt tres alie congregationes, in quarum una proposita fuerunt aliqua concernentia bonum et honorem facultatis.

Primo ex parte licentiatorum facultatis iuris et principaliter quoniam magister Petrus

Dekinger ausus fuit contraire arbitramentum principis.

De quo conclusum fuit, quod tota facultas simul accederet dominum cancellarium principis petendo in hoc consilium suum. Et factum est ita. Qui respondit, quod personaliter ipsum alloqui vellet.

[3] Item ex parte magistri Sebaldi asserentis, se esse licentiatum in medicina et in civitate contra facultatis ordinationem practicantis […].257