Universitätsarchiv Wien, UAW Cod. Med 1.1 AFM 1399-1435
[29. Januar 1423]
[1] Item feria sexta ante [festum] purificationis Marie fuit congregatio facultatis super articulis infrascriptis.
Primus ad cogitandum, quid consequenter expediret ex parte neophiti se medicine practice ingerentis.
Et placuit ibi dominis doctoribus, quod de diligentia habita et facta per venerabilem patrem et dominum dominum nostrum episcopum Pataviensem deberet sibi regratiari aut per doctores deputatos per facultatem aut per magistrum Iohannem de Hamelburgk nomine facultatis et quod pro hac vice non esset aliud fiendum.
[2] Secundus articulus ad audiendum supplicationem cuiusdam baccalarii in medicina354 petentis ad examen admitti pro licentia in eadem.
Et fuit conclusum, quod ea, que sibi dicerentur in facultate, quod sub iuramento celaret, et fuit dictum sibi, quod ipse faceret diligentiam in omnibus ad honorem facultatis et sui pertinentibus et quod simul reciperet licentiam et doctoratum et quod de hoc assecuraret facultatem, quod fecit iuramento; post de aliis assecuravit facultatem per decanum eiusdem facultatis in sequenti congregatione et fuit admissus.355
[3] Tertius articulus fuit ad audiendum supplicationem duorum in medicina scolarium356 petentium admitti ad examen pro gradu baccalariatus in eadem. Et erant etiam per facultatem admissi.
- Acta Facultatis Medicae Universitatis Vindobonensis Vol. 1, Karl Schrauf, 1894
Notes:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
