[5. Februar 1423]

[1] Post festum purificationis virginis Marie feria sexta presentabatur magister Iacobus vicecancellario et sequenti die357 fuit examinatus et per omnes doctores concorditer admissus.

[2] Item in eadem feria sexta fuerunt examinati ad baccalariatum magister Dietmarus et magister Erasmus et concorditer erant admissi. [fol. 43v]358

Autograph des Johannes Aygel.

[3] Item in eadem congregatione supplicavit magister Stephanus Speczhardi, quod quia de propinquo esset ad partes iturus, quod facultas dignaretur consentire, quod suam partem nostri collegii domus posset uni honesto in artibus baccalario committere. Et extra congregationem supplicavit, si contingeret eum unum invenire honestum virum, cui per tempus absentie locaret domum, quod doctores in hoc deberent sibi consentire. Et deliberaverunt doctores collegii nostri super primo in congregatione, quod deberet exaudiri, isto tamen adiecto, quod ipse promitteret, 359 quod si dampnum veniret domui360 aut librarie ex illo quod congregatum esset, tunc illud dampnum deberet ipse facultati recompensare et deberet hoc habere super eo et rebus relictis in domo Conradi appotecarii et deberet ipse super illo promittere et iam dictus Conradus.

Fuit etiam desiderium suum secundum exauditum, ita tamen, quod ille presentaretur decano et quod promitteret fidelitatem facultati et domui. Similiter de primo debent promittere magister Stephanus et Conradus appotecarius in manus decani.361 Et ita factum est.