[22. April 1430]

[1] Item anno domini MCCCC^o 30 electus est in decanum magister Seboldus de Ravenspurg in die sancti Thyburtii. Item anno quo supra congregata est facultas super certis articulis infrascriptis.

[2] Primus ad deliberandum, quomodo obviandum esset practicantibus in civitate sine consensu facultatis. Conclusum fuit, quod decanus cum certis sibi deputatis, scilicet magistro Dietmaro [et] magistro Erasmo cogitarent de modo, quo dictis practicantibus esset obviandum, ut eisdem silentium et quies preciperetur.

[3] Secundus articulus de missa solempniter celebranda in die sanctorum Cosme et Damiani517 et conclusum est, quod eadem die missa solempniter est celebranda et quod doctores facultatis interesse debent solempniter vestiti ad honorem Dei omnipotentis et beatorum Cosme et Damiani.

[4] Item anno eodem quo supra fuit articulus tertius de domo facultatis inscribenda ad librum fundi et commissum est decano, quod fiat.

[5] Quartus articulus super petitione unius magistri petentis pro domo facultatis ad proximum festum beati Michaelis518 et super petitione unius scolaris petentis pro eadem domo pro magistro suo Petro Volczian et nihil fuit conclusum propter⁵¹⁹ absentiam quorundam doctorum de facultate. [fol. 57v]

[6] Quintus articulus: Item ad recipiendum computum ab antiquo decano secundum consuetudinem facultatis, qui et idem antiquus decanus magister Dietmarus ab illo computo se excusavit. Conclusum fuit tamen per facultatem, quod infra XIIII dies se disponeret ad reddendum rationem de expositis et perceptis, ut satisfieret facultati. [7] Sextus super iniuriis et supplicationibus. Facta sunt hec 22 die mensis Apprilis in domo facultatis anno quo supra.520