[29. April 1430]

[1] Item anno quo supra congregata est facultas penultima die mensis Apprilis super certis articulis.

Primus super articulo prius suspenso super locatione domus. Conclusum fuit per eandum, quod magister Iohannes Pongarten habeat se humiliare erga facultatem ordine et forma prius conclusis per facultatem tempore decanatus magistri Dietmari. [2] Secundus articulus fuit ad videndum de bona ordinatione disputationum ordinariarum fiendarum et521 conclusum fuit, quod per singulos menses secundum processum et ordinem antiquitus observatum fiat disputatio ut decet.

[3] Item eodem die petivit quidam scolaris in medicina pro admissione ad examen baccalariatus et fuit exauditus et die eodem quo supra examinatus et ad determinandum admissus servatis iuribus facultati pertinentibus.522

[4] In domo facultatis523 quo supra.524

[5] Item anno quo supra congregata fuit facultas super articulis subscriptis.

[6] Primus ad deliberandum super articulo ex parte domus prius suspenso.

[7] Item ad expediendum certa consideranda circa dispositionem librorum facultatis. [8] Item [in] eadem congregatione petivit magister Petrus Folczan pro locatione domus ulteriori. Item eodem die525 eodem modo petivit magister Iohannes Pongarten526 pro locatione domus facultatis et super hiis articulis nihil fuit deliberatum sed recesserunt doctores sine determinatione.

[9] Item alter articulus ad recipiendum computum a magistro Dyetmaro antiquo decano, qui et ipse rationem fecit coram facultate et omnibus perceptis et expositis defalcatis remansit in summa numerus 31 flor. 3 sol. den.527 [fol. 58r]528