[24. April 1433]

[1] Item in die sancti Georgii congregata fuit facultas super articulis infrascriptis. Ad eligendum alium facultatis medicine decanum et iterum [fol. 62r]592 electus fuit magister Cristannus, qui peti deberet per dominos doctores medicine magistrum Iohannem Aygel et magistrum Heinricum Stoll; qui et petitus fuit non per eosdem sed magistrum Heinricum et decanum, ex ardua causa magistro [!] Iohanni obvianti; qui quidem dominus doctor magister Cristannus nullo modo assumere volens, allegatis causis aliquotiens in facultate perceptis, significationem percepit sibi factam de conclusione per facultatem conclusa, videlicet quod, si non curaret assumere, quod per

eandem mutationem fructus ab examinandis nullatenus deberet percipere, non obstante quod vocandus esset ad examina, et quod idem observaretur aput posteros, et si facultas decerneret eosdem gravius puniendos, quod hoc staret in sui potestate. Consequenter placuit facultati, quod eligeretur decanus alter in casu, si magister Cristannus non assumeret, et ita electus fuit magister Heinricus Stoll de Hamelburg. [2] Secundus articulus ad obviandum civibus in causa priori, qui suspensus fuit.593