Universitätsarchiv Wien, Cod. Med 1.2 AFM 1436-1501
[30. April 1455] In proxima feria quarta post festum sancti Georgii fuit congregacio facultatis super articulis infrascriptis: Ad audiendum relacionem dominorum doctorum, scilicet Mag. Iohannis Celler et Mag. Martini Guldin, deputatorum in materia empericorum.
Secundus articulus de visitantibus scolaribus practicas, an expediret pro utilitate eorum.
Super primo articulo conclusum fuit, quod concepta per dominos doctores predictos ad repellendum empericos, ne practicent sine consensu facultatis et sine approbacione, deberent exequi et ad regiam maiestatem deferri.
Super secundo articulo fuit conclusum, quod nullus scolaris, antequam audivit lectiones ad gradum baccalariatus requisitas, visitet practicam.413
Item in eadem congregacione exposui pro papiro et vino 14 den.
Item exposui 13 den. pro clave una ad januam librarie et pro una ad seram pro libris etc. Item Mag. Caspar Griessenpek dedit 1 flor. pro baccalariatu in medicina.
Item dominus Martinus, cui ante hoc fuit locata domus, dedit pro censu eiusdem 6 libr. den. preter 10 et 8 den., quos dixit dedisse pro duabus clavibus ad unam cameram, et debuisset dedisse 7, sed facultas liberaliter remisit sibi unam libram.
Item Mag. Georgius de Laugingen dedit 1 gross. pro intitulacione.
Item Mag. Iohannes Goltperg dedit 1 gross. Mag. Andreas de Psarskye dedit 1 gross. Mag. Iacobus de Cibinio dedit 1 gross. [fol. 35v]
- Acta Facultatis Medicae Universitatis Vindobonensis Vol. 2, Karl Schrauf, 1899
Notes:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
