Universitätsarchiv Wien, Cod. Med 1.2 AFM 1436-1501
[22. Mai 1455] Item proxima feria quinta ante festum Penthecostes414 fuit congregacio facultatis super articulis infrascriptis: Ad audiendum supplicacionem unius doctoris alterius universitatis petere volentis, ut ad consorcium doctorum admittatur et nostre facultati incorporetur, et fuit Mag. Stephanus de Bratislavia. Secundus fuit ad recipiendum compotum ab antiquo decano.
Super primo conclusum fuit, quod Mag. Stephanus esset admissus secundum statuta facultatis. Super secundo articulo dixit antiquus decanus, quod adhuc non computasset cum aurifabro, qui fecit sarcofagum sanctorum Cosme et Damiani, et conclusit facultas, quod antiquus decanus computaret cum aurifabro et quod post hoc faceret compotum coram facultate.
Item in eadem congregacione exposui pro Ramuolio et simplici vino et pane 35 den. Item exposui 14 den. pro reformacione sedilis destructi.
- Acta Facultatis Medicae Universitatis Vindobonensis Vol. 2, Karl Schrauf, 1899
Notes:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
