[12. Juli 1438] Item 12. die mensis Julii congregata fuit facultas medicine ad deliberandum super articulis subscriptis et unus fuit ad deliberandum super certo negocio tangente domum facultatis et negocium fuit istud83. Dominus Leopoldus Maesenpuegel, plebanus super Huliben, vicinus domus facultatis, accusavit facultatem in consilio civitatis dicens se dampnificari ex parte pluvialis aque decurrentis per ortum nostrum prope foveam suam, et intencio sua fuit hec, quod facultas sibi contribueret pro istius fovee edifficacione et daret 8 libr. den. Et amplius, si esset aliquid reformandum pro ista fovea, quod facultas solveret medietatem, aut quod facultas teneret aquam suam sine suo dampno. Conclusum fuit et elegit facultas decanum, Mag. Iohannem de Paungarten, Mag. Petrum Volczyan, Martinum appotekarium, Stephanum Glaser et ipse prefatus dominus Leopoldus recepit ad se duos, dominum Iohannem Chöl et Prugel, hospitem dominorum de sancto Yppolito, et cum omnes iam dicti convenissent illam rem hinc inde tractando, nichil effecerunt, sed conclusum fuit per eos, quod utraque pars propter cautelam maiorem reciperet adhuc unum tercium et hoc volebamus fecisse, sed quia sequenti die Martinus appotekarius ad partes Vngarie proficis cebatur, tunc temporis prefatus dominus Leopoldus iterum consilium iniens duos consules una cum artifficibus petivit. Exauditus fuit et dati fuerunt duo, Thomas videlicet Wild et Straeff Czingiesser. Cum iam dictis decanus, [fol. 6r]84 Mag. Michael de Schrikch85, Mag. Iohannes Czeller certo die convenerunt conferendo de facto isto, nichil concludebant et ego laboravi omni diligencia, qua potui, literis nostris et libro fundi, quod aquarum pluvialium fluxus nostre domus ad voveam prenominati presbiteri curreret, sed non obtinui. Tandem precibus insteti apud Magistrum civium et suos scabinos, quatenus istius negocii finem imponerent. Miserunt quatuor de consilio, Michaelem Stadler, Otting, Thomam Wild, Straeff Zingiesser una cum artifficibus et cum eis fuerunt doctores presentes, scilicet decanus, Mag. Iacobus Stokstal, Mag. Michael Schrikch, Mag. Johannes Zeller; visis literis nostris et suis, ex eis nichil concluserunt et demum quelibet pars stetit juri et finaliter concluserunt tali modo, quod facultas non debet suam ducere aquam ad dicti presbiteri voveam, sed in cannalibus suis ad plateam educere vel aliunde ad unam voveam in domo facultatis factam fluere permittat, sine tamen prefati domini Leopoldi preiudicio. Et sic facultas fecit.

De empericis et apotecariis.86

Secundus articulus87 fuit, quomodo emperici et alii contra statuta facultatis practicantes sunt compescendi, et conclusum fuit unanimi consensu doctorum, quod facultas vel aliqui de facultate accederent Magistrum civium una cum apotekariis et proponerent sibi, quomodo multi hic essent, veri Iudei, neovici88, fetule, alii illiterati emperici, qui ingerunt se nostre sciencie et appotecariorum, contra statuta facientes nostra, et hoc est eciam contra comune bonum, quia multos illudunt, ut patet ex experiencia cottidiana; et89 rogarent prefatum Magistrum civium, ut ipsis inhiberet, ne de cetero aliquam medicinam darent vel conficerent, nisi prius per facultatem medicine essent approbati.

Item amplius placuit facultati, quod decanus una cum aliquo doctore eiusdem facultatis proponeret ipsis appotecariis nomine tocius facultatis intencionem hanc; ita factum fuit, et dominis appotecariis consilium nostrum multum bene placuit et dixerunt, quod in congregacione proxima facultatis mentem suam denudare vellent.

Item pro vino dedit decanus 18 den. pro una octava et media.