[25. Juli 1460] Item 25. die mensis Iulii, que fuit dies sancti Iacobi apostoli, fuit facultas congregata in domo facultatis super articulo de locacione domus, coram qua Mag. Conradus de Mu\eldorf petivit520, quod eadem domus sibi locaretur, sicut locata fuit Mag. Marquardo de Wissach; que tunc cum consensu doctorum sibi fuit locata pro 11 flor. Ungaricalibus a festo Michahelis proxime futuro per unum annum et adiunctum fuit, quod facultas post annum sit libera ad locandum domum sibi vel alteri, qui facultati placuerit.

Item eadem die fuit motum ex parte empericorum, ut Hacker Georii521 im Lederhof etc. Placuit facultati, ut decanus facultatis prefate singulas visitaret apothecas suplicando apothecariis, ut non darent aliquas medicinas prescriptis ernpericis nec solutivas nee confortativas; quod si fecerint, facultas prenominata medicine benigne circa eos velit recognoscere; si autem non fecerint, tunc facultas velit sibi providere de proprio apothecario.

Item Mag. Conradus, incula domus, exposuit 16 den. pro vino. Item ego exposui pro media 12 den., quia vendebatur pro 24 den.522