[23. Juni 1439] Item 23. die mensis Iunii, videlicet in vigilia Iohannis Baptiste, congregata fuit facultas medicine ad deliberandum super articulis istis: Unus ad conspiciendum libros in libraria domus facultatis, et placuit facultati, quod omnes doctores vocarentur et quibus placeret; possent venire et conspicere124 libros.

Secundus articulus125 fuit seu alia pars articuli de disposicione domus facultatis, scilicet de locacione etc., et placuit facultati, quod locaretur domus precedenti, videlicet126 domino doctori utriusque juris, scilicet Iohanni Aich etc., nisi Mag. Iacobus Stocstal superveniret infra octo dies et vellet convenire; et sic locata est sibi domus, scilicet precedenti hospiti, a feste Michaelis per annum pro 8 libr. den., dempta liberaria, ad quam liberum ingressum debent habere domini doctores, et si aliqua velit reformare in domo, faciat cum scito decani, et fimum vel alias superfluitates, quas faciet in domo prenominatus doctor Magister Iohannes Aichach, propriis expensis educere debet, et si facultati placebit, quod de liberia ipsa facultas potest facere januam exterius.

Item placuit facultati. quod tota facultas accederet dominum abatem de Scotis ex parte domus, sed non transivit. [fol. 9v]