Universitätsarchiv Wien, Cod. Med 1.2 AFM 1436-1501
[25. Mai 1471] In die sancti Urbani congregata fuit facultas medicine super articulis subscriptis: Quorum primus fuit de computo a precedente decano recipiendo; secundus fuit de locacione domus. De primo articulo, facta computacione perceptorum et expositorum per decanum precedentem, percepit decanus protunc 24 flor. Ungaricales in parva ladula contentos cum 3 sol. den. et 4 den. extra parvam ladulam reservatis pro usu facultatis exponendis; percepit eciam alia in ladula magna contenta, puta libros actorum, librum statutorum cum privilegiis et sigillo et aliis ibidem contentis juxta morem facultatis medicine.
De secundo articulo omnes doctores concordaverunt, quod domus pro futuro anno locaretur egregio viro Mag. Nicolao de Ratispana, arcium et medicine doctori, pro 9 flor. Ungaricalibus juxta statutum et condiciones sibi prius expressas in actis, et tunc idem doctor solvit medium censum, videlicet 4 flor. Ungaricales et 5 sol. den. et 5 obulos ad summam supra expressatam connumeratos et appositos, et ita factum fuit.707
- Acta Facultatis Medicae Universitatis Vindobonensis Vol. 2, Karl Schrauf, 1899
Notes:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
