[18. Oktober 1496] Anno salutis 1496., in die sancti Luce medici et ewangeliste, in decanum facultatis medicine ego Martinus Stainpeiß de Bienna electus fui, arcium et medicine doctor, ubi mox juramento prestito cepi a doctore Ioanne Tichtel, decano precedente, librum statutorum tantum. Subiunxit dominus doctor Tichtel: ,Cum alia vobis presentabuntur, habebitis et servabitis quoque.' Item postea in die trium Regum cepi per bedellum facultatis nostre pixidem ligneam cum signeto facultatis medicine et unum librum actorum antiquum, ut bedello nunc dicto constat.960

90. Item Mag. Iohannes Marckart de Halprunna intitulatus est in vigilia Reminiscere anno salutis 1497., dedit facultati 7 den. et bedello 4 den. per me Martinum Stainpeyß de Bienna, arcium et medicine doctorem, tunc facultatis medicine decanum, specialiter ad hoc inductus, ut facultatem juridicam, cui operam dederit, quasi ad duos annos diligenter postponeret et facultati medicine studiose incumberet. Cum ille rationes, quas illi obtulissem, efficaces perciperet, mox altero die studio medicinali applicuit etc.

91. Conradus Falch ex Tubingen intitulatus est secunda feria post Reminiscere anno salutis 1497.; dedit facultati 8 den. et bedello 4 den. etc.

Item percepi quatuor claves a domino doctore Tichtel ex Grina, quas misit mihi per famulum meum in dominico Reminiscere 1497. etc.

92. Sebastianus Schröter ex Obendorff intitulatus est tercia feria post Reminiscere anno salutis 1497., dedit facultati 28 den. et bedello 4 den.

Item in resignacione officii decanatus mei, quia parum recepi, omnia tunc pro vino italico et panibus exposui etc. et sic computum juxta decretum facultatis feci etc. 961[fol. 125v]

Anno salutis 1497.962, sexta feria post sanctorum Philippi et Iacobi apostolorum, Mihael Eysäler ex Prawnaw, arcium et medicine doctor, receptus a doctoribus eiusdem facultatis juxta ordinacionem ad consilium, mox hora eadem electus in decanum ab eisdem. Is a decano precedentis mutacionis percepit librum statutorum, ast [sic!] pixidem ligneam cum sigillo nec non unum librum actorum ipsius facultatis cum certis clavibus. Mox nudiusquartus post percepit ex domino doctore Iohanne Tichtel ladulam, in qua includebantur novus liber actorum cum certis clavibus et duabus pixidibus ligneis et parva cistula et duabus scatulis, sine tamen calculo, que omnia manserunt intacta.