[22. Jänner 1441] Item 22. die Ianuarii congregata fuit facultas super articulis infrascriptis, et primus articulus erat iste: Ad recipiendum computum a domino decano precedenti de perceptis et expositis tempore sui decanatus. Et tunc decanus precedens presentavit in eadem congregacione ladulam facultatis cum in eadem contentis, videlicet sigillo, libro statutorum et aliis in ea contentis. Et facto computo, decanus immediate precedens diffalcatis diffalcandis obligatur facultati 7 libr. den., 5 sol. den., 18 den. Item Mag. Heinricus Stoll obligatur 12 sol. den, et 8 den.157

Secundus articulus erat158 ad audiendum supplicacionem domini doctoris, scilicet Mag. Iacobi Stokstal, qui petivit a facultate, quod domus facultatis sibi locaretur ad dies suos pro censu competenti. Super articulo illo concorditer placuit doctoribus, quod nullo prefata domus ante festum sancti Georii locaretur et sic dominus doctor potest iterum petere in electione domini decani, scilicet in die sanctorum Tyburcii et Valeriani, a facultate ex parte locacionis prefate domus, et quidquid facultas protunc deliberabit pro honore facultatis et suo, significabitur sibi.

Tercius articulus159 fuit ad audiendum cuiusdam baccalarii medicine peticionem, qui humiliter rogavit facultatis doctores, ut intuitu Dei et paupertatis causa super practica secum dispensarent. Placuit facultati, quod ab illo die peticionis usque ad annum medium practicare possit sub illa condicione, quod in omnibus casibus difficilibus ex cuiusdam doctoris prefate facultatis directione hoc faceret.160

Item recepi 4 libr. den. ex parte domus facultatis, videlicet ex parte census.

Item dedi bedello facultatis 1 libr. den.

Item dedi 10 den. pro vino. [fol. 12r]161