[8. Juli 1500] Die Kiliani eodem anno intitulatur:

98. Mag. Ioannes Wysinger ex Patavia.977

Oraciuncula intencionis dicende quociens decanus facultatis pro tempore statuta legere debet juxta intencionem mandati faciendi ad intencionem statuti statutorum de eo: ,Cum statuta facultatis legenda'; ubi et rector interesse debet et lectis statutis per decanum et declaratis offerat ultimo rectori jus, si alicui statutorum declaracioni eius satisfactum non esset, quod eius magnificencia suppleret:978

Gimnasiarche magnifice, doctores excellentissimi, auditores denique et discipuli ornatissimi. Prudentjs litterarum professoris officium est, verba rebus, quas [fol. 127v] tractaturus est, accomodare et orationem illis applicare intencionibus, quas est enarraturus, ut scilicet talis sit prima oratio, qualis est rerum explicandarum futura materia. Itaque statutorum et ordinacionum saluberrime facultatis medicine dicturus decreta, non alio quam ordinis laudati argumento inductus, sentenciam sapientum imitatus dicencium: qui tollit ordinem a rebus, tollit earum essenciam. Quare hoc nunc facio, quod faciendum imprimis magnificus dominus rector, eciam doctissimi scriptores preceperunt; convenit enim, ut auditores preceptores non minus quam ipsa studia ament eosque ad patrum vices colant, qui et ipsi animorum parentes merito nuncupari possunt. Nam sicuti parentes filiorum corpora effigiant, ita preceptores discipulorum mentes formant, que res tanto preciosior videri solet, quanto homo interior homine est exteriore prestancior. Quare audiatis et ad hanc intencionem que dicam accipite.979[fol. 129r]980

[1500/ 1501]