[14. April 1513] Anno 1513, die sanctorum martirum Tiburcii et Valeriani, electus est in decanum medice facultatis doctor Ioannes Newman ex Vienna, cui decanus precedens presentanda presentavit; feria quartaque sequenti computum de expositis et perceptis fecit, qui pro tunc perceperat maxime propter structuram testudinis prope fontem seu puteu341m 31 tal. 4 sol. 16 den.; exposuit 13 tal. 3 sol. 16 den. Defalcatis defalcandis dedit facultati 18 tal. 1 sol. den.342

Item die sanctorum Tiburcii et Valeriani petiverunt duo magistri pro admissione ad examen pro gradu licencie, primus fuit Mag. Mathias Gasser, ante tres vel quatuor annos prius ad gradum baccalariatus examinatus et promotus, non tamen protunc determinaverat neque prandium dederat, quare super determinacionem et prandium dispensacionem petiit. Dispensavit itaque secum facultas, ut daret cuilibet doctori mediam libram den. loco prandii, et 2 flor. Ungar, facultati, et omnia solvit. Secundus magister fuit Mag. Ioannes Puelhamer, qui petivit secum dispensari super gradu baccalariatus in medicina, cum fuisset quasi sex annis in facultate resummendo, lectiones ordinarias visitando, et semel publice ad baccalaureatum respondendo, et quod octo quasi annis se in partibus extraneis in practica exercitaverit;343 quare petivit etiam dispensationem super responsionibus publicis tam ad gradum baccalariatus quam pro gradu licencie. Dispensavit itaque secum facultas super responsionibus publicis, quod tamen ad gradum baccalariatus actu facultati responderet. Quam responsionem perfecit et finaliter tandem ad gradum baccalariatus admissus et promotus, gradusque baccalariatus sibi actu in stuba domus facultatis cum omnibus iuribus ad hunc gradum pertinentibus per decanum traditus est. Petivit denique pro admissione ad examen pro gradu licencie in medicina et est favorabiliter admissus.