[29. Juli 1516] Facta431ista supplicatione, interea predicta Rebeca fecit unam supplicacionem ad regentes. Forma eius supplicacionis habetur in ladula facultatis signata huiusmodi signo 0, qua supplicacione impetravit commissionem ad consulatum, que eciam habetur in eadem cedula. Quare iterum facultas adivit consulatum cum tali supplicacione:

Genadig Herren. Nachdem der herkumenden artzit durch eur genaden zu handlen und practiciren in der ertzney verpoten ist worden, uber das vom regiment eur genaden ain bevelich zugeschikht, darin die artztin wider eur genaden verpot widerum zu practiciren angelassen ist, haben wir eur genaden vleissig gepeten, mit eur genaden furgenomer hilf und beystandt von unser facultet nicht abkhern welle, auf das, das kayserlich maiestet eur genaden in der freyhayt unser facultet genadiklich verlihen gepeut, uns handzehalten und beystandt ze thuen, darauf eur genaden requirirt, ersuecht und entlich gepeten, eur genaden welle das kayserlich regiment mitsambt und neben uns weiter underricht geben, des eur genaden uns zugesagt hat. Bitten dytzvals, eur genaden welle etlich des rate verordnen und als umb die 12 nach essen mitsambt uns vor dem regiment erscheinen.

Actum die Iovis ante Laurentii.