[13. Juli 1524] Die 13. Iulii convocata est facultas ad proponendum citationem universitatis ad instantiam Binderel factam et deliberandum super eadem secundum articulos sequentes a magnifico domino rectore per conclusionem Consistorii facultati transmissos.

Primum, an universitas concordiam cum licentiato Binderel attentare vel omnino contra eundem, prout iuris est, defendere se debeat.

Secundo, si universitas se defendere velit, quis sit eligendus in procuratorem seu cui ex mandato speciali omnium facultatum defensio universitatis committi debeat.

Tertio, qui debeant procuratori ad defendendum universitatem electo pro consilio et maiore informatione adiungi.

Quarto, an conclusa consiliariorum et procuratoris, priusquam edantur, sint ad Consistorium referenda. [fol. 97v]

Placuit facultati quod rector provideat sibi de utili et prudente procuratore, qui audita actione Binderel protestetur de reconveniendo super debitis et iniuriis universitati crebrius ab ipso illatis.

Secundo, si intor replicandum opus fuerit consilio privato facultatis, non vult deesse facultas, sed nunc consulit, quod utatur opera Kilber, Kaufman et Edlinger, qui haec egerunt, similiter doctoris Iordani, qui multas habet Binderel scripturas.

Tertio, quod singula referantur ad Consistorium et, si opus fuerit,ad facultates.

Exposui pro vino et fructibus 18 den.