[1. Februar 1540] 1. Februarii die habita fuit congregatio, in qua Ioannes Iordanus civis Viennensis, frater doctoris Leopoldi Iordani, cuius anima Deo vivat, petiit facultatem, utpignora, duos videlicet deauratos ciphos, quos testamentarii deposuissent apud facultatem loco mutuate pecunie a facultate, scilicet 29 flor. 3 sol. 16 den., que doctor Iordanus a facultate mutuo acceperat, et loco legati, scilicet 20 flor. Ren., quos prefatus doctor facultati legavit ex testamento, loco debiti unum lotonem pro aureo Ren. computando acciperet, quod facultas ob amorem fratris sui benigne annuit.

Summa itaque totius debiti, mutuate videlicet pecunie et legati, fuit 49 flor. 3 sol. 16 den., ciphi vero predicti ponderabant 42 lotones et 3 quintas, que in summa facerent 42 flor. Ren. et 6 sol. Exposuit autem doctor Leopoldus in decanatu suo, in quo et obiit, pedello 12 sol., deinde post obitum suum doctor Andreas Perlachius ut testamentarius deposuit apud sequentem decanum doctorem Entzianer in defalcationem debiti 20 sol., que tota summa facit 46 flor. Ren. 6 sol. Que summa, si a debito, scilicet 49 flor. 3 sol. 16 den. detrahatur, restans summa erit 2 flor. 5 sol. 16 den., quam Ioannes Iordanus adhuc facultati debet.