Universitätsarchiv Wien, UAW Cod. Med 1.3 AFM 1490-1558
[19. Februar 1540] 19. Februarii decanus, duobus adiunctis sibi doctoribus de facultate, libellum contra pestem per facultatem concinnatum senatui presentavit. Ubi inter cetera hec quoque in senatu agitata sunt presentibus doctoribus:
Primo, ut pharmacopole pro sua quilibet facultate in his, que ad morbum imminentem spectarent, essent provisi.
Deinde quedam adversus Constantinum iussu decani producta per modum aggravaminis senatui exposita sunt; ter enim fuerit quesitus et numquam inventus, uteretur preterea adulterato Turbith, ut ita de re amplius deliberarent.
Tertio, quod Michael Neukircher et Sigismundus Khunigshaimer fecissent unam compositionem thiriacalem, quam loco thiriace venderent, illam757doctores visitatores prohibuerunt, sed Mag. Sigismundus Khunigshaimer noluit parere, preterea sue compositionis archetipon ad decani postulationem exhibere recusavit.
Quarto, quod pharmacopole quidam rarissime suis in apothecis viderentur, sed omnia servitoribus committerent eciam ignavis, qui neque simpliciorum neque compositorumveram haberent cognitionem et in ceteris parum cerebri haberent.
Quinto, quod quidam ex pharmacopolis administrarent eque ut doctores medicinas et se ad praxim intromitterent.
Sexto, ut pauperibus in hospitali melior fieret provisio, presertim ratione fetoris, ne fetor morbo pestifero daret aliquando occasionem eum locum citius quam alterum invadendi. Hec atque alia per doctores ordinatos in senatu amice et humaniter tractata sunt. Quibus ita peractis, sese et facultatem senatui commendantes domum redierunt.
Percepta:758
A precedente decano doctore Francisco Emerico flor. 10, sol. 2, den. 22. A Nicolao Lunensi Bohemo pro inscriptione sui in facultatem die 25.Februarii anno etc. 1540 2 sol.
Exposita:759
Notario universitatis pro scheda ad conducendum funus doctoris Pilhaymer 8 den.
Pro papiro ad rescribendum libellum contra pestem 12 den.
Pro vino in congregationibus habitis in decanatu meo 1 sol. 22 den.
Summa omnium perceptorum 10 flor. 4 sol. 22 den.
Summa expositorum 2 sol. 12 den.
Summa restans 10 flor. 2 sol. 10 den. [fol. 138v]760
Decanatus quartus Udalrici Fabri Rheti.761
- Acta Facultatis Medicae Universitatis Vindobonensis Vol. 3, Karl Schrauf, 1904
Notes:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
