[13. Oktober 1540] In die divi Colomanni martiris anno etc. 1540 in facultatis medice decanum omnium calculis eligitur D. Iacobus Walch a Tessingen, in cuius officio ac dignitate hyemalis mutationis que sequuntur notatu digna contigerant.

Hac mutatione nonnulla ad facultatem devoluta sunt ob exteros ac aliunde venientes empiricos, qui preter consuetudinem atque facultatis privilegia Vienne rem medicam curandique officium exercere volentes; cum quibus iuxta facultatis decretum actum est tenorque privilegiorum servatus.

Facultatis pecunie mihi ab antecessore, videlicet D. Andrea Perlachio oblate, quia dominus D. Udalricus Fabri, qui immediate me antecessit, nihil ad manus suas perceperat, sed omnia apud Perlachium, qui antecessor suus fuerat, reliquit. Fuere 10 tal. 2 sol., nummi 14.