[14. April 1542] Anno a nato Cristo 1542, in festo divorum Tiburii et Valeriani martyrum, electus est suffragiis dominorum doctorum e facultate studii Viennensis in future mutationis decanum Volfgangus Lazius, philosophiae et medicinae doctor et eiusdem facultatis ordinarius, in cuius decanatu haec acta sunt.

Percepta:780

1.) A decano praecedenti domino Fabro 15 tal. 2 sol. 14 den.

2.) A domino D. Thoma Enzianero, seniores nostri filio, pro admissione ad repetitionem 6 tal. den.

3.) Legatum D. Sigismundi, confratris nostris 4 tal.

4.) A Mag. Magno Proxler, chirurgo, ratione examinis 14 sol. den.

5.) A Mathia Reschio, artium baccalaureo et medicinae candidato, pro inscriptione ad matriculam sive album facultatis 2 sol. den.

Exposita:781

1.)Pro schedula in funere D. Sigismundi Haselryter 8 den.

2.) Pro vino in congregatione, cum D. Thomas audiretur, 16 den.

3.) Pedello nostro salarium annuum iuxta conclusa facultatis 2 tal. den.

4.) Pro vino in congregatione novi decani habita in die sancti Colomanni 14 den.

5.) Pro vino in duabus congregationibus celebratis nomine et ratione Ioannis Paumann, chyrurgi et calculorum exsectoris, licet pauci convenerint, 10 cruc.

In hac mutatione publica anatomes demonstratio data fuit, me, hoc est decano, actore, de quo actu, quam medicis necessarius sit, multis in locis Galenus testatur, qui Paulo et Boetho consularibus ac magnis in Urbe viris propterea acceptus et dilectus fuit. In eadem Regiorum medicorum cum collegio nostro conventus fuit mandato Regis ob quandam luis pestilentialis suspitionem, quae ad postremum vana deprehensa fuit.

In eadem Magnus Proxler tentamine probatus collegii, magistro civium commendatus fuit et ad opera artis chyrurgicae admissus.

Magna expeditio Germaniae principum in Hungariam fuit, sed inutilis ac Austriae cum primis perniciosa. [fol. 141r]

[1542/ 1543]

Decanatus secundus Doctoris Vuolfgangi Lazii Viennensis.782