[13. Oktober 1545] Es kham auch zu mir Wilhelm Schott kramer, burger zu Wien, mit hochstem pit, dieweil unnd ich der zeit decanus facultatis wer, [fol. 143r] das ich ime um der gerechtikhait willen sambt anderen herren doctoren unnd appoteckher in seinem grossen obligen der warhait ein zeugnuß geben wolte, unnd nachdem er mich so vilveltig ansuechet unnd pat, khundt ich nit untherlassen seinen begeren stat zu thuen, unnd rueffet zu mir drey doctores de facultate unnd drey appoteckher, zaiget gedachter Wilhalm Schot vor unß an, wie er an einem freien marckt von einem anderen ein war für ein ainkhuren khaufft unnd paldt darnach gleicher gstalt verkhaufft. Nu trieg es sich zu, das er der gedachten war in schaden leibs, er unnd guts khomen mechte, derhalben er unnß anrueffet, ime solliche war zu besichtigen, welches mir dan than, unnd nachdem mir nichts anderß dan ein unutz pain funden, kunde mir ime khain andere khuntschafft unnd zeugnus nit geben. Gab 3 tal. den. ad facultatem, welche ich sequenti decano presentiert. [fol. 143v]787

[1545/ 1546]

Decanatus primus doctoris Christophori Hufftl anno 1545.788

Eximius ac spectabilis dominus doctor Iacobus Walch, decanus precedens, per pedellum presentavit ladulam una cum sceptro et 3 flor. in pecunia.