Universitätsarchiv Wien, UAW Cod. Med 1.4 AFM 1558-1605
[9. Oktober 1595] Die 9. Octobris anno 95 in aedibus mei praesentibus visitatoribus et examinatoribus, ordinariis examinatus est Bartholomaeus Balack pharmacopaeus ad signum elephantis. Respondit bene, exhibitis literis nativitatis et disciplinae approbatus, eique factis faciendis syrupo scilicet de cichorea cum rhabarbaro, electuario diacatholicon, pillulis adgregativis, emplastro oxycroceo, unguento rubeo potabili etc. et praestito debito juramento decretum et datum est examinis testimonium visitatorum et examinatorum manuum subscriptionibus et chyrographis communitum. Solvit facultati 5 Rhen., pedello universitatis 4 sol.
Visitatores fuimus ego Benedictus Perger medicinae Doctor, [fol. 360r] Petrus Schwab pharmacopaeus ad cervum aureum. Examinatores Joannes Petrus Magnus, Joannes Leander medicinae doctores et professores Poppo Müller et Joannes Klele pharmacopaei, commissarius Ulricus Marb senator Viennensis.
Ad diem 9. Octobris anno 1595. Joanni Peckio universitatis pedello ad instantiam hujus semestris salarium consuetum, duos nimirum talleros, accepta ab eo quietantia A. dedi.
- Acta Facultatis Medicae Universitatis Vindobonensis Vol. 4, Leopold Senfelder, 1908
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
