[5. Juni 1599] Die 5. Junii transmisi per pedellum dominis doctoribus de facultate supplicem libellum B. Huberti Hilcker, sponsi viduae demortui barbitonsoris in der Wilbingerstross, qui absens a patria ultra 100 miliaria, cum non haberet nativitatis et disciplinae literas, petebat secum dispensari, quo sine iis posset admitti ad solitum barbitonsorum examen et promittens, se dictas literas quatuor mensium spatio procuraturum proponebat, ob id duos fidei jussores Joannem Fries et Joannem Krausen, cives et barbitonsores Viennenses. Cujus petitioni domini doctores omnes consenserunt, ita tamen, ne daretur ei testimonium nisi prius decano literas praefatas ostenderet.