[21. Mai 1601] Die 21. Maii habita fuit secunda congregatio, in qua omnes facultatis doctores interfuerunt. Deliberatum denuo de duobus dictis decretis. Illud ipsum statutum fuit quod prius.

Lecta sunt acta trium decanatum praeteritorum D. Panissod, mei decanatus tertii et decanatus D. Scarmilionii, quae omnia fuerunt [fol. 412r] approbata et ut libro actorum inscriberentur, pennissum.

Et mandatum omnibus, ne inposterum tamdiu morentur in actis decanatuum offerendis, statutumque fuit, ut in prima semper subsequentis decani congregatione statim offerantur et legantur.

Eadem die D. Rechpergeri751 supplex libellus lectus, qui et oretenus petiit admitti ad repetitionem. Obtulit sui doctoratus literas, fuit ei assignatus sorte aphor. 18 I. lib. et pro more mensis concessus ad disputandum. Deposuit 36 flor. novem facultatis doctoribus cuique 3, pedello pariter 3 et facultati 6. Fuerunt singulis sui dati in congregatione. Et quia discessum parabat, paulo post obtulit suas theses, quas disputavit 1. Junii in superiori universitatis aula et 4. Junii fuit ad consilia facultatis admissus facto solito juramento. Solvit pro admissione facultati 6 sol., unicuique doctori pro convivio 1 flor.