[4. September 1567]Zu der anndern hanndlung zu legen unnd bleybt bey dem Beschaid so auff der Visitatorn und Examinatorn auch deren vonn Wienn derhalben jüngst gethanner Bericht erfolgt ist. Wienn den 4. Septembris A. 67.

Barptolemaeus Reisacher D. manu scripsit.227 [fol. 69v]228

[1567/ 1568]

Decanatus Doctoris Ludovici Marchpegii Viennensis. Anno MDLXVII.

[13. Oktober 1567]In die Colmanni postquam in rectorem electus esset reverendissimus episcopus Modrusiensis Dionisius Pioppius sacrae theologiae professor ordinarius, ego Ludovicus Marchpegius Viennensis decanus inclytae facultatis medicae communi dominorum doctorum suffragio electus sum.

Ab antecessore meo accepi ladulam majorem cum duobus libris et quibusdam fasciculis actorum, cum libro statutorum nostrae facultatis, scatulam cum privilegiis, parvam ladulam cum clavibus et quatuor fragmentis deauratis de sceptro, sigillum et sceptrum, quae omnia tradidi sequenti domino decano.

Quarta die Novembris finitis feriis vindemialibus clariss. dni doctores de facultate medica satis frequentes convenerunt apud me in aedibus paternis, ut in concinnando dispensatorio in praecedenti decanatu inchoato et ad electuarium Diaphoeniconis perducto pergerent. Initio itaque facto a dicta compositione in forma solida, pervenimus in hoc meo decanatu usque ad Julapia et succos medicatos.

In eadem congregatione mentio facta fuit D. Joannis Sambuci Tirnaviensis, quem antecessor meus nomine facultatis semel atque iterum admonuit ut [fol. 70r] ut se conformem statutis nostris redderet, demum quoque apud rectorem universitatis accusavit. Ipse vero his non obstantibus contra privilegia et statuta facultatis in medicina facienda in dies pergere dicebatur. Ob id potiori parti praesenti visum fuit, ut cum admonitus etiam praeter statuta nostra medicinam exerceat, denuo apud senatum Viennensem accusaretur, id quod factum est.